ВОХӮРИИ АМРИДДИН АЛОВАТШОЕВ БО БАРОДАР ВА АМАКАШ HD

Дар ТВ "Бадахшон" видеои лаҳзаи бо амак ва бародараш вохӯрӣ кардани Амриддин Аловатшоев, яке аз лидерҳои ғайрирасмии Бадахшонро, ки дар ҳабс қарор дорад, нашр карданд. Қаблаен сарусадоҳое пайдо шуд, ки гӯё Аловатшоев рагҳои дасташро буридааст ва ӯро дар ҳолати вазнин аз СИЗО ба беморхона бурдаанд. Вале Аловатшоев дар ин видео гуфт, ки сиҳату саломат аст ва касе ӯро назадаасту шиканҷа надодааст. Аммо бархе сокинони Бадахшон бар инанд, ки видеоҳои Аловатшоевро таҳти фишор сабт мекунанд ва аз ӯ барои корҳои тарғиботӣ истифода бурда истодаанд. Созмонҳои ҳомии ҳуқуқ мегӯянд, ӯ то ҳол ба адвокат дастрасӣ надорад ва таҳти риски зиёди шиканҷа қарор дорад.