Святой Апостол Андрей Первозванный.

http://youtu.be/nKMCa6pg7V8 ☦ Святой Апостол Андрей Первозванный Молитва святому апостолу Андрею Первозванному Первозванне апостоле Бога и Спаса нашего Иисуса Христа, Церкве последователю верховный, всехвальне Андрее! Славим и величаем апостольския труды твоя. Сладце поминаем твое благословенное к нам пришествие, ублажаем честная твоя, яже за Христа претерпел еси, лобызаем священныя мощи твоя, чтим святую память твою и веруем, яко жив господь, жива же и душа твоя, и с Ним во веки на небеси пребываеши, идежи и нас любовию твоею не оставляеши, якоже возлюбил еси отцы наша, егда Духом Святым прозрел еси земли нашея ко Христу обращение. Веруем же, яко и молиши о нас Бога, зря во свете Его вся нужды наша. Тако сию веру нашу во храме твоем исповедуем, и Господа и Бога и Спаса нашего Иисуса Христа молим, да молитвами твоими подаст нам вся потребная ко спасению нас грешных: да якоже ты абие по гласу Господа, оставль мрежи твоя, неуклонно тому последовал еси, сице и кийждо от нас не своих си да ищет, но еже к сосиданию ближняго, и о горнем звании да помышляет. Имущее же тя предстателя и молитвенника о нас, уповаем, яко молитва твоя много может пред Господом и Спасителем нашим Иисусом Христом, Ему же подобает всякая слава, честь и поклонение, со Отцем и святым Духом, во веки веков.