Православный календарь 30 апреля. Великая Суббота. Страстная седмица

Сщмч. Симеона, еп. Персидского, и с ним мчч. Авделая и Анании пресвитеров, Хусдазата евнуха, Фусика, Азата, мч. Аскитреи и иных многих (344). Прп. Акакия, еп. Мелитинского (ок. 435). Прп. Зосимы, игумена Соловецкого (1478). Сщмч. Феодора пресвитера (1942). Мч. Адриана (251). Свт. Агапита, папы Римского (536). Обретение мощей прп. Александра Свирского (1641). Св. Михаила исп., пресвитера (1935). . Тропарь преподобного Зосимы глас 4 Изволением Божественного разума/ вселился еси в пустыню/ и тамо, вперив ум твой в Небесныя обители,/ равно Ангелом житие на земли пожив,/ в молитвах, и трудех, и пощениих/ образ был еси твоим учеником./ Отонудуже Бог, видя твое благое изволение,/ умножи тебе чада в пустыни, слез твоих теченьми напаяемей./ Но, яко имея дерзновение к Богу,/ поминай стадо, еже собрал еси, мудре,/ и не забуди, якоже обещался еси,/ посещая чад твоих,/ Зосимо преподобне, отче наш. Кондак преподобного Зосимы глас 8 Христовою любовию уязвися, преподобне,/ и Того Крест славный, на рамо взем,/ понесл еси, божественне вооружився,/ и непрестанныя молитвы, яко копие в руце, имый,/ крепко ссекл еси бесовская ополчения.// Тем зовем ти: радуйся, преподобне отче Зосимо, монахов удобрение. Молитва преподобным Зосиме и Савватию Соловецким О преподобнии отцы, велицыи заступницы и скории услишателие молитв, угодницы Божии и чудотворцы Зосимо и Савватие! Не забудите, якоже обещастеся, посещати чада ваша. Аще бо и отыдосте от нас телом, но духом присно с нами пребываете. Молим убо вы, о преподобнии: избавите ны от огня и меча, от нашествия иноплеменников и междоусобныя брани, от тлетворных ветров, и от напрасныя смерти, и от всех прилогов бесовских, находящих на ны. Услышите нас, грешных, и приимите молитву сию и моление наше, яко кадило благовонное, яко жертву благоугодну, и души наша, злыми делы, и советы, и помыслы умерщвленныя, оживите и, якоже умершую отроковицу востависте, якоже неисцельны раны многих исцелисте, от духов нечистых зле мучимых избависте, тако и нас, содержимых во узах вражиих, измите и от сетей диавола избавите, из глубины прегрешений изведите и милостивым вашим посещением и ходатайством от врагов видимых и невидимых оградите ны благодатию и силою Всесвятыя Троицы, всегда, ныне и присно и во веки веков. Аминь