Сүмин магтал.

Тавн талта сүмнднь, Таңсг ламнь залрна. Таңсг ламин шаҗнднь, Таастан күрч мөргий. Шар деевртә сүмнднь, Шаҗн ламнь залрна. Шаҗн ламин сәкүсн, Маниһан эвәх болтха. У сәәхн сүмнд, Олн бурхд залрна. Учрдад зальврҗах маниһан, Олн бурхд эвәтхә. Ик өндр сүмнднь, Эргәд төгәләд мөргия. Эн сәәхн шаҗндан, Эндүрл уга күрий. Зурһан талта сүмнднь, Зуңквин Гегән залрна. Зул саңган өргҗ, Зуурдин үкләс һарий. Нәәмн талта сүмнднь, Мәәдрин Гегән залрна. Мөргәд шүтҗәх маниһан, Мәдрин Гегән эвәтхә. Арвн талта сүмнднь, Аюка бурхн залрна. Аюка бурхн әдстән, Адһҗ йовҗ мөргий. Алтн һанҗурта сүмнднь, Аршан лам залрна. Аршан ламин шаҗндан, Алдл уга мөргий. Мөңгн цаһан цөгцднь, Мөңк зулан өргий. Мөргәд шүтҗәх маниһан, Эргү мөңклән күцәй. Шар зевсг цөгцднь, Шамҗад зулан өргий. Шүтҗ зальврҗах маниһан, Шалтан угаһар эвәтхә. Ом мани бадме хум