Аюу айылындагы жер көчкүдөн каза болгондорго жаназа окулду

29-апрелдин таңында Аюу айылындагы жер көчкүдөн каза болгондорго жаназа окулду. Маркумдарды акыркы сапарга узатуу зыйнатына 1-вице-премьер-министр Мухамметкалый Абулгазиев жетектеген өкмөт мүчөлөрү, маркумдардын жакындары, айылдаштары жана республиканын булуң-бурчунан келген жарандар катышты. Жакындарын жоготкондордун үй-бүлөлөрүнө президенттик фонддон жалпы 700 миң сом, өкмөттүк фонддон 490 миң сом материалдык жардам көрсөтүлдү. Эскерте кетсек жер көчкүнун алдында жалпысынан 24 адам калган, алардын бешөөсүнүн сөөгү табылды.