Бадма-Ханда Аюшеева

Байгаалиин ямар үзэгдэлнүүдэй тохёолдоходо, дуушан түрэдэг бэ? Иимэ жама бии гү – хэн мэдэхэб? Мшнөөдэрэй минии хөөрөөн намтай суг һураһан, Буряадай габьяата дуушан Бадма-Ханда Аюшеева тухай. Бүри бага наһанһаа, һургуулиин шаби ябахадаа, Бадма-Ханда Аюшеева хоолойгоо туршадаг бэлэй. Минии хани, наһанайм хани энэл даа – дуу, гэжэ нэгэтэ хэлэһэн. Мүнөө тэрэ гэһэнһээ хойшо олон жэлнүүд һубарилдан үнгэрөөл даа. Мүнөө хадаа Бадма-Ханда дуулимхан дайда дэлхэй дээрэ, далай баян тоонтодоо, дүүрэн хэшэг бэлигтэй, дуугаа дуулан ябадаг нютагаймнай алтан гургалдай гээшэ. Мартын 8-да Ород драмын театрта Бадма-Ханда ехэ концерт нютагынгаа арад зондо бэлэглэбэ. Хаанашье ябахадаа, нютаг нугаяа магтажа, үетэн нүхэдөө, эрдэни байгалаа үргэжэ, дуугаа дуулажал ябадаг гэжэ бултанда мэдээтэй ха ем. Сээжын гүнһөө миралан урдаһан яалга, хоолойнь уянга нугалбари – дабаташагүй гэжэ шагнагшад дахин сэгнэбэ. Жэшээнь, “Эжыдээ”, “Наян Наваа” гэһэн дуунуудыень шагнахадаа, юрын харагша-шагнагшад ухаагаараа ойлгожо, зүрхөөрөө мэдэрээд, сэгнэһэн еһотой. Бадма-Хандатай суг хэдэлдэг хүгжэмшэдые баһал зндэр сэгнэлтээр шагнагшад сэгнэһэн. Нэрлэбэл, гансата Буряад Орон нютагтаа суута бэшэ, гадаада гүрэнүүдээр олон жэлнүүд соо аяншалжа ябадаг Балдансэрэны Баттувшин, Евгений Селезнев, Бато Гуранов. Дуунда нэгэтэ дурлаһан Бадма-Ханда, өөрынгөө хандаса иигэжэ хэлэнэ – Инаг дуран гээшэ үнэхөөрөөшье дабташагүй жэгтэй. Тайзанууд, харагшадай альга ташалганууд, сэдэхэлэй бэлэгүүд – сэсэгүүд – эдэ бүгэдэ минии зүрхэ сэдьхэлдэ халуунаар дурдагдадаг. Иимэ концертдэ ошоһондоо, хараһандаа, би үнэхөөрөө баяртайб. Саашанхи захёохо замшни, һайн лэ байг лэ даа, Бадма-Ханда. Үшөө үндэр амжалтануудые туйлахыешни үнэнхэ зүрхэнһөө хүсэнэб!!!!