Бай-Къыят Азизине башташ къоюлувы

Бай-Къыят Азизине башташ къоюлувы 20 йыл эвель, 2001с. март айынынъ 7-сине догъру кельген Къурбан байрамы куню, шеhид кеткен къартбабам Дервиш Мурадасыл огълу догъгъан Акъ-Мечит (Черноморский) больгесининъ Бай-Къыят коюнде УЧЬ КЪЫЯТ АЗИЗЛЕРИНИНЪ уйкени Бай-Къыят Азизине башташ къойгъан эдик. (Сонъ эки Азизгеде башташ къойдыкъ - Аллах къабул этсин!) Бу мукъаддес ишимизге маддий-маневий ве къол ярдымы эткен юртдашларыма джандан миннетдарлыгъымны бильдирем, 20 сене ичинде ольгенлерге - рахмет, къалгъанларгъа сагълыкъ-селяметлик ве рыскъ къысметлетлер тилейим! "Къайда бирлик - анда тирилик!" дегени киби, котеринкли рухта кечкен мерасимге кельген пек чокъ инсанларнынъ урьметине, къартларнынъ насиаты унутылмасын деген ниетте, видеоны къыскъартмай - олгъаны киби интернетке къойдыкъ - бала ве торунлары энди бу дюньядан кеткен къартана-къартбабаларыны, ана-бабаларыны, сойдашларыны тойып-тойып корьсин ве оларнен берабер эльбетте сизлер - къыйметли фейсбук джемаатым, чайлеринъизни демлеп, компьютер экранларынъызнынъ алдында бир саат бизнен берабер олунъыз! Шу куню Бай-Къыят Азизининъ ве сюргюнликте ольген мевталарымызнынъ рухуна чалынгъын къурбанларны Аллаhу-Тааля къабул эткендир иншаллаh ... Къырым топрагъында даа чокъ Азизлернинъ яткъан ерлери тапылыр ве оларгъада башташлар тикленир иншаллаh