ЧАРО “БАШМАК” НАДОРӢ... БАҲСИ РОНАНДА БО КОРМАНДИ БДА

Алишер Ҷабборов, як ронандаи тоҷик видеои баҳсаш бо корманди БДА-ро нашр кардааст. Алишер мегӯяд, ӯро соати дуи шаб дар назди корхонаи текстили Душанбе манъ карда, аввал эрод гирифтаанд, ки мусиқӣ дар мошинаш баланд аст. Баъд аптечкаву тросу дастгоҳи сӯхторхомӯшкунӣ ва дигар васоили мошинашро тафтиш кардаанд. Дар охир корманди БДА як камбудӣ ёфтааст, ки ту башмак надорӣ. “Башмак” одатан барои мошинҳои боркаш ва автобусҳост. Мошини Алишер сабукрав – “Опел Караван” будааст.