Ketolmaydi deb óylamang.....

​​​Ketolmaydi deb o‘ylamang, ba’zilarning ketganini, ketib bo‘lganidan so‘ng payqaysiz... Ketsa qaytib keladi deb xomtama bo‘lmang, ba’zilarning ketishini qaytishi bo‘lmaydi... Sensiz ham yashaganman yana yashayman deb o‘zingizga tasalli bermang, ba’zilar ketsa o‘zi bilan birga eng aziz tuyg‘ularingizni - xotirjamligingizni, xotiralaringizni, kulgularingizni, qalbda tuyulgan qaynoq muhabbatni, umidlaringizni, orzularingizni baxt to‘la tabassumi bilan birga olib ketadi... Sizdagi sizlikni qalbiga to‘ldiradi-da, sizni sizsiz qoldirib, abadiyga ketadi. U yoningizda ekanligida go‘yo dunyolarga sohibdek his qilar edingiz o‘zingizni, u ketsa dunyongizni ham yiqitib ketadi... Voz kecholmaydi deb hayol surmang, ba’zilar voz kechganini voz kechib bo‘lib ma’lum qiladi... Qalbidaman deb xotirjam bo‘lib qolmang, ba’zilarning qalbida emasligingizni hammadan keyin, eng oxirida o‘rganasiz... Mensiz yasholmaydi deb zaxarhanda kulmang, ba’zilar qasdma-qasdiga ham sizsiz go‘zal yashaydi... Hamma zulmingizni, ozorlaringizni, kamsitishingizni ko‘targani ojizligidan yoki voz kecholmaganidan emas, sizning insofga kelib qolishingizni umid qilib yashaganidan... Ketganidan so‘ng his qilasiz uning o‘rnini. U bo‘shatgan bo‘shliqni hech kim va hech narsa to‘ldira olmasligini... Chunki borini fido qilib sevganlarning ketishi odatiy ketishlardan bo‘lmaydi. Sizni sizdan olib ketadi...