Соёолонгийн тоос СТА М.Бямбажав МУГЖ Н. Чулуунхүү

Соёлтой монголын үрс минь дээ Соёолонгийн тоосонд хиймороо сэргээж Цэнхэр салхинд задран намирах дэл нь Цэлмэг тэнгэрт ниссэн жигүүр ургуулна аа Хулангийн удам соёолонгийн тоос хиймортой Хурдан хүлэг соёолонгийн хүдэс шимшигтэй Соёолон соёолон одтой адуу Соёолон соёолон адтай адуу Соёлтой монголын наадамичид минь дээ Гоо сайхнаа тоосоор нь чимээд үлдсэн Цэн цэнгийн дусал сувдан хөлс нь Цэцэг цэцэгсийн үндсэнд бууж соёолуулнаа Хулангийн удам соёолонгийн тоос хиймортой Хурдан хүлэг соёолонгийн хүдэс шимшигтэй Соёолон соёолон одтой адуу Соёолон соёолон адтай адуу Цуутай монголын түмэн минь дээ Сүлдэндээ мөнхөрсөн морио дээдлээд Туурайн хээтэй тамгалагдсан газар нь Цуурайн төвөргөөнд олноороо сэргэнээ Хулангийн удам соёолонгийн тоос хиймортой Хурдан хүлэг соёолонгийн хүдэс шимшигтэй Соёолон соёолон одтой адуу Соёолон соёолон адтай адуу Сонин нэртэй "Содон" тоглолт боллоо Нийтийн дууны томоохон төлөөлөгчид болох СТА ая зохиогч, дуучин Мягмарын Бямбажав, СТА дуучин Лосолын Болдбаатар нарын хамтарсан "Оройтсон борооноор Хүрээ байшинд" тоглолт Монгол бөхийн өргөөнд хоёр өдөр хөл гишгэх зайгүй дүүрэн үзэгчидтэй, алга ташилтын нүргээн дунд болж өнгөрлөө. Нэрнээсээ эхлэн хүмүүсийн сонирхлыг ихэд татсан уг тоглолт Монгол гэрийг билэгдсэн хийморилог эрчүүдийн их өргөөнд тойрч суусан үзэгчдээ гомдоохооргүй бүх талруугаа харьцаж дуулах бүрэн боломжтой "Дөрвөн талт" тайз зассан байв. Энэ нь үзэгчдийн сэтгэлд нийцсэн анхны алхам байв. 19 цагаас эхлэх тоглолтод ирсэн үзэгчид аль хэдийн суудлаа эзэлсэн байв.Үзэгчдийн хүндэт суудалд СГЗ улс төрийн тоймч Дашзэвэг, СГЗ Яруу найрагч Ш.Гүрбазар нарын олон хүмүүс ирсэн байлаа. Тоглолтын тасалбар 10.000 төгрөгийн үнээр зарагдаж байсан нь ард түмний сэтгэлд нийцсэн бололтой. Тасалбар эрт дуусч, шагийн тасалбар 25.000 төгрөг хүрч өссөн ч хоёр дуучны шүтэн бишрэгчид ажрахгүй авч байв. Дуучин М.Бямбажав "Заллага" дуугаараа хуран цугларсан үзэгчдийг хүндэтгэн тоглолтын салхийг хагалж дуун цацал өргөв. Дараа нь дуучин Л.Болдбаатар "Хархан нүдтэй бүсгүй" дуугаа дуулж гол баатрууд тоглолтоо эхлүүлэв. Үзэгчдийн хамгийн ихээр хүлээж байсан мөч буюу сольж дуулсан дууг нь сонсох торгон агшин эхлэв. Өөр өөрийн гэсэн донж маягтай дуучдын дуу бүрийг дагаж дуулсан үзэгчид аргагүй л уярч байв. "Хоёулаа сайхан дуулсан байна" хэмээх магтаалын үгс, алга ташилт, уухайлах түрлэгээр илэрч байв.