Хорвоод ганцхан ээждээ HD

Намрын уулнаа бугын урамдахыг сонсоорой Намайг ухаажихыг үзэх гэж ижий минь та урт наслаарай Манцуйдаа ирж таныг би ганцхан удаа жаргаасан Магадгүй тэрнээс хойш дандаа зовоосон... Ээжээ! Та хүүдээ гомддоггүй биздээ? Хүү чинь Уул өргөж таныхаа ачийг хариулах Урт холын бодлын тэнд дараатай л яваа шүү дээ! Бүүвэйн дуу сонсож өссөн болохоор сэтгэл минь уяхан байдаг Бүлээн сүү залгилж өссөн болохоор нулимс минь ойрхон байдаг Бүтэн хайранд өлгийдүүлж өссөн болохоор бодол минь гэгээн байдаг Бүүвэйн залбирал ивээж байдаг болохоор заяа минь тэгшхэн байдаг шүү ээжээ... Ганцаардаж гутрах болгонд тандаа л үнсүүлж тайтгардаг Газарт хөл хүрэхгүй баярлахдаа тандаа л дуулгах гэж онгирдог Яаж ч аягласан намайг тэр чигээр нь хүлээж авах Яруухан урсгалтай гол ертөнцөд ганцхан та юм шүү... Нимгэн зулай битүүртэл Бүүвэй аялахаас уйдаагүй Нялхарч өөрөө ариусдаг Эх хүний сэтгэл Нас насны намарт Мартагдана гэж үгүй... Ижийн минь хэлсэн үг бүр надад ухаарлыг төрүүлж Ижийн минь зэмлэл надад гэгээрлийш авчирч Ижийн минь харц надад итгэлийг билэглэж Ижий минь инээмсэглэл надад жаргалыг шивнэдэг ээ... Ядарсан уу миний охин гээд духан дээр мин аргадан үнсэхээр нь Яалаа гэж дээ ээжээ гэж хэлэхдээ яаж ядарсанаа мартчихдаг байсан юмаа Яагаад ч юм одоо ядраад байх юмгүй хэр нь ядраад л... байхынмаа Ядараа юу гэж та мин хэлэхгүй болхоор яахын аргагүй ядраж байнаа ... шүүдрийн дуслар цай чанаж танидаа бариж чадахгүй ч Шүлэг дуундаа танийгаа л сүслэж гэмээ цайлгая ээжээ Нүгэл буян хосолсон будант энэ хорвоод Нүдэндээ нулимастай танидаан би очихгүй ээ ... Үртэй болсноосоо хойш амттаныг бүрэн амсаж үзээгүй Үдэш болохоос нааш санаа нь бүтэн амарч байгаагүй Үр нь баярлаж байвал өөрөө жаргалтай байж чаддаг Үлгэр зохиож хүүгийнхээ тавиланг зурж амьдардаг... Сүүтэй энгэрээс унасан болохоор охин тань уяхан явна, ээжээ Сүнстэй биеийг олж төрсөн болохоор охин тань ухаалаг явна, ээжээ... Яадаг юм миний ээж охиндоо эрхэл Яг л намайг эрхлүүлсэн шигээ эрхэл Янзын сайхан залуу насыг чинь Ямарч жаргалгүй зовоож байсан охиндоо Яадаг юм одоо л эрхэл... Зүүний сүвэгчээр ч багтах он жилийн урсгалд Зүгээр л дэргэд минь байж хайрла Ижий гэж дуудах болгондоо баярладаг Ижил хэдэн хүүхэддээ урт насалж хайрла!