Gangaw Lam Hakha In Meeng 11 Ah Tank A Tla HD

Gangaw Lam Hakha In Meeng 11 Ah Tank A Tla ======================================== Hakha in Zokhua lei kal nak lam fak ngai i a cim nak hi hmun 5 (Meng 2, Meng 9, Meng 11, Meng 14, Meng 16, Meng 18) ah a si. Atu hi Hakha in Meng 2 nak le meng 9 nak cu an pemh khawh cang. A tangmi chung in Zokhua lei in an rak chunh cuahmah rih i sei pa zeizat in dah an cawh ti cu kan thei kho lo. Hakha in Zokhua lei kalnak hi Pu Thawng Kian le Pu Chum Ling nih an cawh i Meng 2 nak le meng 9 nak cu an lim cang. Lam cawh man zeizat pek lai theih lo in lam a awn khawh zokzok nak hnga Seh ngan 3 le seh hme 2 in heh tiah an cawh hi a si. August. 28 ni ah Meng 11 nak an cawh lio ah Pu Thawng Kian seh ngan 1 cu ruah lo pi in vawlei nih a nem tak caah a tla. Van tthat ah lam hlun cung ah a tla i sei a rawk mi a um tuk lo. Mah Seh a taannak zawn hi hlan lam (hlan lio rak zawhmi lam) ah a si. Mah hlan lam hin ding te i pemh ding ahcun a fawi rih lo caah a cunglei khin an pemhnak cu a si. Seh a tla mi cu Seh ngan 2 nih ni 3 chung an bultawl hnu ah an tun i September 2 khan ttha ten rian a ttuan kho cang tiah Pu Sui Tling (Seh chuah i aa tel pengmi) sin in thawng kan theih. Theihternak: Zing [Sep] 03,2015 ah hmanthlak he thawngzamh a rak si cang. Nain, muicawl [video clip] in kan vun langhter tthan. Upatnak he CCN Channel Team Mail: chincablechannel@gmail.com Facebook: Chin Cable Network Channel Web: ccnchannel.net