Дишаб ба ёди рӯи ту танҳо гиристам Танҳои беумед чи шабҳо гиристам Аз чанги ғам ба хилвати андешаҳои ишқ Бурдам паноҳу бе ту дар онҷо гиристам Сар мекашад чу шуъла таманнои ӯ зи дил З-ин ҷонгудоз дарди таманно гиристам Пинҳон намешавад чи кунам? Моҷарои ишқ Дар ишқи ӯ ниҳоневу ошкоро гиристам Як рӯз ханда зад дилам аз гармии умед Умре зи сардии меҳри дунё гиристам Равшан нашуд зи бахти сиёҳам чароғи умр Имрӯз аз сиёҳии фардо гиристам Оташ заданд бар дили ман, то ки ҳамчу шамъ Якҷо бисухтам дилу якҷо гиристам Кутоҳ буд умри ману умри гул, дареғ Парвона сон ба хандаи гулҳо гиристам...!!!