Честному и Животворящему Кресту Господню, воскресный, праздничный Тропарь, Кондак, Молитвы

Тропарь воскресный, глас 5: Собезначальное Слово Отцу и Духови, от Девы рождшееся на спасение наше, воспоим, вернии, и поклонимся; яко благоволи плотию взыти на Крест, и смерть претерпети, и воскресити умершия славным воскресением Своим. Кондак: Глас 5 Ко а́ду, Спа́се мой, соше́л еси́,/ и врата́ сокруши́вый я́ко всеси́лен,/ уме́рших я́ко Созда́тель совоскреси́л еси́,/ и сме́рти жа́ло сокруши́л еси́,/ и Ада́м от кля́твы изба́влен бысть, Человеколю́бче;/ те́мже вси зове́м:// спаси́ нас, Го́споди. Тропарь предпразднства глас 4 Животворящий Крест Твоея благости,/ егоже даровал еси нам недостойным, Господи,/ Тебе приносим в молитву:/ спаси люди и град Твой молящийся, Богородицею,// Единe Человеколюбче. Кондак глас 4 Небо многосветлое/ Церковь показася,/ вся просвещающая верныя,/ в нейже стояще зовем:/ сей дом утверди, Господи. Молитва третья Пречестный и Животворящий Кресте Господень! Древле убо был еси казни позорныя орудие, ныне же знамение спасения нашего присно почитаемое и прославляемое! Како достойне возмогу аз, недостойный, воспети Тя и како дерзну преклонити колена сердца моего пред Искупителем моим, исповедая грехи свои! Но милосердие и неизреченное человеколюбие Распеншегося на тебе смиренное Дерзновение подает ми, да отверзу уста моя воеже славити Тя; сего ради вопию Ти: радуйся, Кресте, Церкве Христовы красота и основание, всея вселенныя - утверждение, христиан всех - упование, царей - держава, верных - прибежище, Ангелов - слава и воспевание, демонов - страх, губительство и отгнание, нечестивых и неверных - посрамление, праведных - услаждение, обремененных - ослаба, обуреваемых - пристанище, заблудших - наставниче, одержимых страстьми - раскаяние, нищих - обогащение, плавающих - кормчий, слабых - сила, во бранех - победа и одоление, сирых - верное покровение, вдов - заступниче, дев - целомудрия охранение, ненадеянных - надежда, недужных - врач и мертвых - воскресение! Ты, прообразованный чуцотворящим жезлом Моисея, животворный источник, напаяющий жаждущия духовныя жизни и услаждающий наши скорби; Ты - одр, на немже царственно почил тридневно Воскресший Победитель ада. Сего ради и утро, и в вечер, и полудне прославляю Тя, треблаженное Древо, и молю волею Распеншегося на Тебе, да просветит Он и укрепит Тобою ум мой, да открыет в сердце моем источник любве совершенней и вся деяния моя и путие, мои Тобою осенит, да выну величаю Пригвожденнаго на Тебе, грех моих ради, Господа Спасителя моего. Аминь.