Г. Уянга -- Нэгэн цагт та нар ард түмнээс эргүүлээд өршөөл гуйх цаг ирнэ шүү.

2015-02-17 Эх орноо худалдая гээд худалддаг хүн байхгүй. Оюутолгой яалаа? Яг ийм үйл ажил давтагдах гэж байна. Шударга Ес бүлгийн дарга Батцэрэг бид 2 УИХ- дарга дээр орсон. "Гацууртыг ашиглахаас өөр аргагүй ээ, алтыг нь урьдчилаад авчихсаан" гэж УИХ-ын дарга хэлсэн. Энэ бол ГЭМТ ХЭРЭГ! Энэ цаашаа хөвөрнө шүү, хэрвээ энд хүчиндэж шийдэх гэж байгаа бол!... ...Гацууртын ордыг ухаад 200 сая долларын ашиг олно, тэгээд Монголын төр 20 хувийг эзэмшихээр 10 жилийн дараа 40 сая долларын ашиг олохын тулд энийг зарах гэж байна ухуулах гэж байна. Ноён Хатан уулаа бид эмтлэх гэж байна. Г. Батхүү дарга, Уул уурхайн яамныхан хэлсэн, манай мундаг экспертүүд орж шинжээд үнэхээр энэ бол ашиггүй юм байна, 200-хан сая доллар 10 жилд олох юм байна гэж баталгаажуулсан. Тэгээд 10 жилийн дараах 40 сая долларын төлөө Ноён уулыг ухах гэж байна. Энэ хүмүүсийн тэмцэл түмэн зөв. Бидэнд өөр гарц байгаа. Бидэнд 2000 гаруй ашиглалтын ба хайгуулийн лиценз өгчихсөн байгаа. Энийгээ үр дүнтэй болгоё. Оюутолгойнхоо ашгийг оруулж ир! Дахин дахин ухаж төнхөх нь асуудлыг шийдвэрлэх гарц бишээ. Цагаан Суваргыг яасан? Төр хувь эзэмших хэрэггүй, төргүйгээр сайхан явчина гээд гаргасан. Төд удалгүй тэр тогтоолын бэх хатаагүй байхад санхүүжилт шийдүүлнэ гээд ороод ирж байна. Бид ийм юм үзэж байна. Одоо хэнд итгэх юм? Би үнэндээ та нарт итгэхгүй байна. Энэ дахиад Цагаан Суврага, Оюутолгойн араас орох юм хийж байна. 20 хувийг бид нар эзэмшээд үйл ажиллагааны зардалд хяналт тавьж чадахгүй. Үнэндээ л чадахгүй. Энэ бол үйл ажиллагааны зардал, компанийн засаглалд нөлөөтэй оролцдог хувь биш. Тийм учраас бид одоо хүчин төгөлдөр үйлчилж байгаа Ашигт малтмалын хуулийнхаа дагуу явах ёстой. Гэхдээ энэ асуудлыг түр зогсоогоод эхлээд хүмүүсийн амь насыг аврах ёстой Энхболд даргаа, бид нар ядаж хүнлэг байх ёстой шүү, энэ Иx Хурал. Өнөөдөр цаг эргэдэг юм даа, "цаг цагаараа байхгүй цахилдаг хөхөөрөө байхгүй". Бүгд дандаа эрх мэдэлтэй байхгүй, дандаа дарга байхгүй. Сэлэнгийн ард түмэн уул усаа амар тайван байлгаад өгөөчээ гэж л тэд гуйж байгаа, өөр ю ч гуйгаагүй. Энхболд дарга та очоод хэлсэн юм билээ, Ерөнхийлөгч та 2-ын хоеулангийн чинь бичлэг байна лээ. "Ноён уулыг та нар минь ухуулахгүй гэвэл бид нар ухахгүй юу гэж нутаг усаа тэгэж ухаж төнхөх вэ" гээд та нар нутгийн иргэдтэй зургаа авахуулсан тэр бичлэг чинь интернэтээр явж байгаа. Бүгдээрээ харж байгаа, өнөөдөр тэд уул усаа гуйж байна, газар нутгаа гуйж байна. Нэгэн цагт та нар ард түмнээс эргүүлээд өршөөл гуйх цаг ирнэ шүү. Ийм цаг үе бас тохиолддог. Бид нар одоо бүгдээрээ л харж байгаа ш дээ. Эрх мэдэл мөнхийн биш харин ард түмэн дандаа л мөнхийнх байдаг. Битгий ийм эмгэнэлтэй юм хийгээч ээ!