С. Чавайн. "Шкетан лӱмеш"

Проект "Йоҥга Чавайнын сылнымут. Живое слово Чавайна". Национальная библиотека имени С. Г. Чавайна ШКЕТАН ЛӰМЕШ Чон коршта. Яков йолташ уке. Мемнан шӱмнажым ойго кӱреш. Шинчавӱдна молан чыпча гын шкс? Огеш кӱл ойго, ынже лий йӧршеш! Вет шошо кечыже могае чапле: Пӱртӱс косирын воштылеш! Вет илышыже могае ямле, Пешак тыгодым илыме шуэш! Молан шинчатым кумышыч йӧршеш? Тегак она уж тыйын тӱсетым, Тегак она кол тыйын йӱкетым. Но шарнымаш лиеш мемнан: Мутетше тыйын книгаште кодеш. Шемер марийже кеч-кунам Мутетым йӧратен лудеш. Чеверын, йӧратыме Яков йолташ! Me тыланет раш мутым пуэна: У писатель-влакым тыйым олмешташ, Саска гае ончен, лыҥ куштена! 1937 ий 17май