Хайрт ахынхаа гэгээн дурсгалд зориулав. 2016-04-24

Дууны үг: Итгэлт сайхан хань минь дэргэд ч таниараа л дутаж явнаа би Эвийлж хайрлах ээж минь байгаа ч таныгаа л үгүйлээд байх юм Алтан наран ээлээ ч илчгүй мэт санагдана Арван тавны саран гийлээ ч гэрэлгүй гэмээр бодогдоно Ижийн минь өргөсөн цай сүүний дээж таньд минь хүрээ юм болов уу Тэртээх олон оддын дунд зүүдэндээ таныг би үзлээ Тариан түрүү халиурсан шаргал тал чинь үгүйлнэ Дэрсхэн өссөн хонгор насаа оддын тэндээс харав уу даа Дэндүү гэмээр халуухан сэтгэлийг тань бодохоор Тэргүүнд минь мөнхрөх буурал нэмлээ ч дурсаж явъя аа таныгаа Хүнийг хайрладаг сэтгэлийг тань дээдлэн эрхэмлэж явъя аа Бусдын төлөө биеэ мартахыг босон суун бодож амьдаръя би Дэндүү гэмээр дулаахан сэтгэл чинь надад үлдсэн Эндүү бодоогүй чин хүслийн итгэл чинь бас үлдсэн Дэндүү гэмээр халуухан сэтгэлийг тань бодохоор Тэргүүнд минь мөнхрөх буурал нэмлээ ч дурсаж явъя аа таныгаа