МАҲМУДҶОН НИЁЗОВ "СӮРУДИ ДАРАХТИ ДӮСТӢ " (ВОРУХ ТВ)
ИСТЕЪДОДҲОИ АЗ ЧАШМ НИҲОН Маҳмудҷон Ниёзӣ соҳиби ду диплом - ҳам омӯзгори забони немисӣ ва ҳам омӯзгори забону адабиёти тоҷик аст. Аз аввалин ва беҳтарин шогирдони Абдуваққос Юсуфист, ки баъдтар ҳамкору дӯсту ҳамдаму ҳамнишин буданд. Маҳмудҷон ихтисоси худододе дошт - истеъдоди сарояндагию оҳангсозиро низ соҳиб буд, ки то имрӯз бе диплому бе унвон сайқал медиҳад, оҳангҳои тоза ба тоза эҷод мекунаду сурудҳои нав ба нав мехонад. Садояш дилнишин чун дарёчаи Карафшин, оҳангҳояш мисли таронаи чашмаҳои кӯҳсори Ворух гӯшнавоз, авҷаш баланд чун қуллаҳои сарбаафлок... Бо ин ҳама, Маҳмудҷон ҳам дар қатори дигар мардуми соҳибистеъдоди деҳот, аз назарҳо пинҳон аст. Ҳамон вақтҳо ба ӯ ҳам баръалову пинҳонӣ, дарунакӣ месӯхтам, ки чаро ҳама ҳофизон касета доранду Маҳмудҷон не? Чаро ҳама ҳофизонро дар телевизор нишон медиҳанду ӯро не? Чаро...? Ва "чаро"-ҳои зиёде. Маҳмудҷон дипломи мактаби мусиқӣ надорад. Ӯ ҳар чи дорад, ҳамонест , ки Худованд атояш карда ва ҳамеша пайи такмили ин атои Худост. Зеро мардуми деҳа чунинанд - аз пайи сайқали ҳунар, на аз пай шуҳрату мансабу ном. Суруде, ки ин ҷо гузоштам, барои шумо шояд нав аст, аммо барои ман суруди 20-25-сола аст. "Дарахти дӯстӣ "(Ҳофиз), "Дарё равон аст" (Лоиқ) "Ҳайфи ҷавонӣ" ва "Субҳона"(А. Юсуфӣ) "Ёр ба оғӯшам биё" (Бандаи ганда)... тифлакони эҷоди ҳамон солҳои Маҳмудҷон аст, ки ҳар як ворухӣ медонаду мехонад. То ҳол, агар Маҳмудҷон меҳмони арӯсие бошад, ӯро даъват мекунанд ва ҳатман хоҳиш мекунанд , ки "устод, якта "Ҳайфи ҷавонӣ" шавад" Дар бораи устодам гуфтаниҳои зиёд дорам . Ҳоло суруди "Дарахти дӯстӣ"-ро ба қазовати шумо ҳавола мекунам ва баробари шумо худам низ маротибаи ҳазору чандум ҳаловат мебарам. ОБУНА ШАВЕД ДУСТОН !! .....ВОРУХ ТВ............. https://www.youtube.com/c/ВОРУХТВ ================================ ================================ ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ ВОРУХ ПОРАИ ТАНИ ҲАР ЯК ТОҶИКУ ТОҶИКИСТОНӢ https://www.facebook.com/groups/666408173798477/ Групаи мо дар Одноклассники https://m.ok.ru/dk?st.cmd=altGroupMain&st.groupId=51858659803350&_prevCmd=userAltGroups&tkn=9719&_aid=groupOwnShowcase _ КАНАЛИ МО ДАР ТЕЛЕГРАММА ВОРУХ ТВ https://t.me/vorukh_tv ------------------------------------------------------------ ИНСТЕГРАМИ МО https://instagram.com/vorukh_tv #ВОРУХ #исфара #ТОҶИКИСТОН #дӯсти #ворух_тв #душанбе #ЧОРКӮҲ #хучанд
