Fakt va Fikr (3): Rus politsiyaçisi hammani lol qoldirdi! HD

“Адолатсизлик қаршисида жим турган инсон тилсиз шайтондир”. Ивановолик полиция катта лейтенанти Сергей Римский тилсиз шайтонлар сафига кириб қолмаслик учун жасоратли ишга қўл урди. 2 февраль куни “Инстаграм” тармоғи орқали қилган видеомурожаатида полициячи Россия ҳукумати мухолифатчи Алексей Навальнийни ноҳақ қамаганига ва уни қўллаб кўчаларга чиққан аҳолига нисбатан очиқча қатағонларни бошлаганига норозилик билдирди. Сергей Римский Кремльнинг зулмида иштироқ қилмаслик учун ўз хоҳишига кўра ишдан кетганини билдирди. “Мен учун куч қайси томондалиги эмас, ҳақиқат қайси томондалиги муҳим” – деди полиция катта лейтенанти. Би-Би-Си радиосига берган интервьюсида ивановолик полициячи: “Кремльнинг ғайриқонуний топшириқларини бажараман деб, полициячилар одамларнинг қарғишига қолишмоқда. Ўз халқингдан: “Полициячи – Россиянинг иснодидир” деган гапларни эшитиш оғир ботади” – деди. Бу йигитни ҳар қанча эъзозласа - арзийди! Халқимиз бундай ҳалол инсонларга: “Отангга раҳмат!” – дейди. Сергей Римский каби покиза инсонлар Ўзбекистон кучишлатар тизимларида ҳам бўлган ва ҳозир ҳам бор. 2005 йил май ойида президент Ислом Каримов Андижондаги тинч намойишчиларни ўққа тутишни буюрганида Ички ишлар вазирлигига қарашли Ички қўшинлар аскарлари золимнинг жиноий буйруғини бажаришдан бош тортишган. Шундан сўнг Андижондаги ҳарбий штаб бошқаруви ички ишлар вазири Зокир Алматовдан олиниб, МХХ раҳбариятига берилган. МХХга қарашли ҳарбийлар кейинчалик Бобур майдонида қанчадан-қанча одамни отиб ташлагани кўпчиликка маълум. Ички ишлар вазирлигига қарашли қўшинлар ўзбек-қирғиз чегарасини қўриқлашга юборилган. Уларга МХХнинг таъқибидан Қирғизистонга қочаётган аҳолини ўққа тутиш буюрилган. Лекин бу қарашли қўшинлар Каримовнинг бу топшириғини бажаришдан ҳам бош тортишган. Вазирлик аскарлари таъқибдан қочган намойишчиларнинг қўшни давлатга ўтиб кетишига тўсқинлик қилишмаган. 2005 йил май ойида ўз халқига ўқ отишдан бош тортган ўзбек аскарларини исмма-исм билмаймиз. Шундай бўлса-да уларнинг ҳаммасига: “Ота-онангизга раҳмат!” – деймиз. Миллат ўз фарзандларининг қўлига қурол тутқазар экан, уни адолатсиз сиёсатдан норози намойишчиларни отиш учун эмас, қуролланган жиноятчи ёки босқинчиларни йўқ қилиш учун тутқазади. Ҳар қандай халқчил давлатда кучишлатар идоралар адолатсизликларнинг бошида турган бир кишини ёки тўртта олигархни эмас, балки Конституция, қонунлар ва бутун халқни ҳимоя қилади. Фактларни ўрганинг ва фикр қилинг! “Факт ва Фикр” каналига обуна бўлишни унутманг! Бобомурод АБДУЛЛА 2021 йил 5 февраль