Россияга иш из. кет. бух.ликлар томорқаси тортиб олинади HD

Бухоро расмийларига кўра, хорижий давлатларга ишлашга кетган ва бирор фермер хўжалиги ишчиси бўлмаган фуқароларнинг томорқалари олиб қўйилади. Бундан буён фақат фермер ишчиси, ўқитувчи ва шифокорларга томорқа берилади. "Томорқамизни тортиб олаяпти" Бухоро вилояти Қоракўл тумани Жиғачи қишлоғида оддий аҳолининг томорқалари маҳаллий ҳокимлик томонидан тортиб олинмоқда. Бу ҳақда жиғачилик 30 яшар Аминжон Озодликка маълум қилди. - Бизнинг Қоракўл туманида Жиғачи қишлоғида 10 сотихлик ерларни давлат президент қарорини рўкач қилиб тортиб олаяптилар. Мустақилликдан кейин 10 сотих ер берилган эди колхозчиларга. Олдин 12 сотих эди. Кейин 10 сотих қўшилиб 22 сотих бўлди. Яқинда 15 кун, бир ой ичида 10 сотих ерни олиб фермерларга қўшиб бераяпти. У ë бу ëққа телефон қилишса, президент қарори деб ерини бермаган одамларга тумандан, вилоятдан милициялар чақириб мажбуран ўлчаб олаëтган эканлар, дейди Аминжон.