Раиси шаҳри Истаравшан марг бар ту барин инсон

Баҳром Иноятзода, раиси шаҳри Истаравшан дар нишасти хабариаш гуфт, дар ду соли охир дар шаҳру деҳоти Истаравшан 36 масҷид қатъи фаъолият кардааст – 24 масҷид дар соли 2017 ва 12 масҷиди дигар – дар соли 2018. Дар ин бораи сомонаи Tajikistantimes.com хабар додааст. Баҳром Иноятзода дар нишасти хабариаш масҷидҳоро манбаи паҳншавии андешаҳои носолим номида, аз ҷумла гуфтааст: "Касе масҷид даромада бо фикри солим аз он ҷо набарамадааст. Аксар ҷавононе, ки имрӯз ба гурӯҳҳои ифротӣ пайвастанд ҳамааш аз фикрҳои носолим сарчашма гирифтааст ва ин гуна фикрҳо ҳамааш аз масҷид дар сари он ҷой шудааст. Мо бояд ба ҷои ҷавонони масҷидравро зиёд кардан, сафи донишҷӯён ва кормандонро зиёд кунем. Танҳо соли 2018 120-нафар ҷавононе, ки ба донишгоҳҳои олӣ дохил шуда натавонистанд бекоранд. Аз ин рӯ масҷид не, мактабро бояд зиёд кард.” Қаблан аз қавли мақомоти шаҳри Исфара ва ноҳияи Бобоҷон Ғафуров гузориш шуда буд, ки танҳо дар ин ду минтақаи вилояти Суғд соли гузашта фаъолияти 123 масҷидро қатъ ва биноҳои масҷидҳои басташударо ба иншооти иҷтимоиву фарҳангӣ, аз қабили чойхона, бунгоҳи тиббӣ, коргоҳи дӯзандагӣ ва амсоли ин табдил додаанд. Дар Исфара 56 масҷид ва дар ноҳияи Ғафуров 67 масҷид ба истилоҳи мақомот, "самти фаъолияти худро дигар кардаанд.” Дар маҳаллаи Ҷиккаки ҷамоати Сурхи Исфара, тавре аз як акси нашршуда дар Интернет бармеояд, бинои масҷидро ба ... майдони тенниси рӯимизӣ (пинг-понг) табдил додаанд. Ҳамин тавр, ба гуфтаи сокинон, дар ҷамоати Чоркӯҳ ду сол боз бинои мадрасаро ба қароргоҳи як дидбонгоҳи нирӯҳои марзбонӣ табдил додаанд.