Freedom by Marion Bloem- into Jamaican by Velma Pollard HD

Freedom by Marion Bloem, Velma Pollard reads her Jamaican translation of the poem FREEDOM by MARION BLOEM, based on the English translation by Martin Cleaver and Marion Bloem. Recorded by Marion Bloem in Little Rock, Arkansas. 2012. Fi Free Ef fi free mean you shut up bikaaz me have sompm fi seh Ef fi free mean you inna prison so me no hafi fraid se you difan inna wha you du an no du Ef fi free mean fi fix up tumaro by change up tiday an mek it wan likkla day Ef fi free mean fi lack up door fi look pan screen an see wah supuos fi hide weh Ef fi free mean fi sleep comfatable all di time bikaaz dem tek weh adda people tongue Ef fi free mean fi eat weh you want wen you want aldough dem trow weh di scrapsiz inna newspiepa weh have hungry hide up in deh Ef fi free mean fi no hafi know wah mek me free wah kip me free wah mek me stay free everyday Ef fi free mean fi wait fi smaddy else fi mek me no fraid fi notn weh me alwiez fraid fah Ef freedom tek ova weh me a tink bout ef freedom blow aalbout roun me an inside me but you kyaa ketch it Ef freedom shelta me from wha you a tink wen me tink sompm difran Ef freedom tiday look so natral to me aldough you no know wha it mean Den freedom a put crown pan me an a cut aaf fi you head den freedom a air an everybody can tek it But paraps me can giweh some a fi me whole heap a freedom -ef aal a we she yes- eida fi lkkl time ar fi lang time so you no hafi bear fi me freedom weh a choke you Marion Bloem (Translated into Jamaican by Velma Pollard)