ҲАДИСИ 30. 40 ҲАДИСИ НАБАВӢ ДАР ФАЗИЛАТИ РАМАЗОН.

30. Аз Абўзар (р) ривоят аст, ки фармуд: «Гуфтам, эй Расули Худо, (с) маро аз шаби Қадр хабар деҳ, ки дар моҳи Рамазон аст ё дар ғайри он? Пайғамбар (с) гуфт: Балки он дар Рамазон аст. Гуфтам: Эй Расули Худо! Оё шаби Қадр бо пайғамбарон аст ва чун вафот кунанд, шаби Қадр низ бардошта мешавад, ё то рўзи қиёмат боқӣ мемонад? Гуфт: Балки то рўзи қиёмат боқӣ мемонад. Гуфтам: Дар кадом вақти Рамазон аст? Гуфт: Шаби қадрро дар даҳаи аввал ва охири он ҷустуҷў намоед. Баъд аз он Паёмбар (с) суханҳое гуфт ва сипас вақтро ғанимат дарёфтам ва гуфтам: Эй Расули Худо! Савгандат медиҳам, маро хабар кун, ки Қадр дар кадом даҳаи Рамазон аст. Сипас Пайғамбар (с) бар ман ғазаби сахт кард, ки мисли он пештар ва баъди он ғазаб накарда буд ва (с) гуфт: Агар Худованд хоҳад, шуморо аз он хабар медиҳад. Шумо Қадрро дар ҳафти охири Рамазон ҷустуҷў намоед». ( Ҳоким дар Мустадрак)