ҲАДИСИ 25. 40 ҲАДИСИ НАБАВӢ ДАР ФАЗИЛАТИ РАМАЗОН.

25. Аз Абўҳурайра (р) ривоят аст, ки Паёмбар (с) фармудаанд: «Худованд фармудааст: Тамоми амали фарзанди Одам барои ўст, магар рўза, зеро рўза барои Ман аст ва Ман подоши онро ба ў медиҳам. Рўза монанди сипар аст, пас, агар нафаре аз шумо рўзадор бошад, сухани ношоиста нагўяд ва ҷанҷол накунад. Агар касе ўро дашном диҳад, ё ба ў зўроварӣ кунад, пас, бигўяд: Ман шахси рўзадорам.Қасам ба Зоте, ки ҷони Муҳаммад ба яди Ўст, бўйи даҳони рўзадор назди Худованд хушбўйтар аз бўйи мушк аст. Барои рўзадорон ду хурсандист, ки бо онҳо хушнуд мегардад: Вақте ифтор менамояд, барои ифтор хурсанд мешавад ва вақте рўзи қиёмат Парвардигорашро дучор мешавад, хушнуд мегардад». (Ривояти Бухорӣ ва Муслим)