Нозирони байналмилалӣ дар бораи интихоботи Тоҷикистон чӣ мегӯянд? HD

Идораи ниҳодҳои демократӣ ва ҳуқуқи башари Созмони амният ва ҳамкории Аврупо гузориши ниҳоӣ дар бораи интихоботи парламентии якуми мартро нашр намуда, ба ҳукумати Тоҷикистон машварат додааст, ки ислоҳоти қонунҳо дар соҳаи интихоботро давом диҳад. Рӯзи соршанбе Ин Идора гузориш аз интихоботи ТОҷикистонро дар сомонааш нашр кард. Дар он гуфта мешавад, ки интихоботи Тоҷикистон зери назорати шадид қарор гирифта буд. Дар ин раванд барои баҳсҳои гуногунандешонаи сиёсӣ ҷое вуҷуд надошт ва овоздиҳандагон аз интихоби алтенативӣ баҳраманд набуданд. Идораи ниҳодҳои демократӣ ва ҳуқуқи башари Созмони амният ва ҳамкории Аврупо таъкид кардааст, ки Тоҷикистон бояд раванди интихоботро ба ӯҳдадориҳои ин кишвар дар Созмони Амният ва ҲАмкории Аврупо дар меъёрҳои демократӣ мутобиқ кунад. Дар машваратҳои асосӣ пешниҳод шудааст. ки ТОҷикистон баррасии озод ва ҳаматарафаи пояҳои ҳуқуқии интихоботро таъмин намуда, шароити кори озод барои хабарнигоронро фароҳам орад. Ҳамчунон ба беҳбуд дар фаъолияти ниҳодҳои маҳаллии нозири интихобот ва ташкили рӯйхатҳои овоздиҳандагон ишора шудааст. Тафсилоти бештар дар бораи гузориши муфассали Идораи ниҳодҳои демократӣ ва ҳуқуқи башари Созмони амният ва ҳамкории Аврупо дар сомонаи Радиои Озодӣ нашр мешавад.