Фиксиләр - Чебеш (Цыпленок - Фиксики) HD

Файер, Симка белән Нолик профессор Чудаковның өстәлендә таныш булмаган җайланма күрә. Аның эчендә тавык йомыркалары ята. Файер профессор үзенә иртәнге аш әзерли дип уйлап температурасын арттыра. Дәүәтипус килә дә Файерны ачуланып туктата. Бу җайланманың инкубатор икәнен һәм аның эчендә билгеле бер температура булырга тиеш икәнен аңлата. Дәүәтипус Файерга инкубатор янына якын килергә рөхсәт итми. Төнлә яшен вакытында лабораториядә ут сүнә, инкубатордагы температура кискен генә төшә башлый. Файер белән Нолик моны күрә. Файер инкубатор янына килергә курка. Нолик мәсьәләне үзе генә хәл итмәкче була, ләкин көче җитми. Файер булышырга әзер – әгәр Нолик бу турыда берәүгә дә сөйләмәсә генә. Алар инкубаторны бергәләп ача да, эчтәге температураны шәм яндырып күтәрә. Бераздан Чудаков, Дәүәтипус белән Симка килеп җитә. Нолик дустын сатмас өчен мәсьәләне үзем генә хәл иттем дип сөйли. Дәүәтипус Ноликны мактый. Чынлыкта чебиләрне кем коткарганын алар Файер белән икесе дә белә. Шулчак йомыркалардан чебиләр чыга башлый! Балалар инкубаторның төзелеше, җәнлекләрнең кайсылары йомыркадан барлыкка килүе турында, шулай ук кискен хәл килеп чыкканда нәрсәне исәпкә алырга кирәклеген беләчәк.