Fakt va Fikr (Maxsus-8): Abror Muxtor Yolğoniy! Oldin bahslaşiş madaniyatini özlaştir, keyin kel! HD

Кеча, 11 март куни, “Факт ва Фикр” каналида диний уламо Аброр Мухтор Ёлғонийнинг раддияси бўйича “Қуръон муллаларнинг монополияси эмас” деган кўрсатувим чиққанидан хабарингиз бор. Кечанинг ўзида Аброр Мухтор Ёлғоний Тошкентдаги қайсидир масжидда чиқиш қилиб, мени юзма-юз баҳсга чақирибди. Видеосини Ютюб каналига ҳам қўйибди. Эшитганингиздек, Аброр Мухтор Ёлғоний мен келтирган аргументлар, мен қўйган саволларга жавоб бериш ўрнига, яна шахсимга ташланган ва ҳақорат ёғдирган. Энди айтингларчи, мана шундай шаллақи одам билан баҳслашиб бўладими? Аброр Мухтор Ёлғоний! Мен сен билан ҳар қандай масалада юзма-юз, керак бўлса жонли эфирда баҳслашишга тайёрман. Лекин сенинг ноисломий хулқи-атворингдан келиб чиқиб, сенга уч шартим бор. Биринчи шартим: сен менга қилган барча иддаоларингни, масалан, Ватан хоини эканлигимни, чала журналист эканлигимни, Усмон Ҳақназаров мен эмас, бошқа одам эканлигини, Усмон Ҳақназаров таҳаллуси остида ёзган мақолалримни пул эвазига ёзганлигимни ва ҳоказо иддаоларингни фактлар ёки холис гувоҳлар ёрдамида исботлаб берасан. Исботлаб бера олмасанг, менга туҳмат қилганинг учун мендан кечирим сўрайсан! Иккинчи шартим: Тошкентда баҳслашиш маданиятини, аудитория олдида дебат қилиш сирларини ўргатувчи курслар бор. Бу ўқув курсларининг кўпи чет тилларда бўлиб: “Мастерство полемики”, “Искусство публичного спора”, “Public Debate” “Open polemic” деб айтилади. Дипломатия университетида бор шундай курслар, Дархонда ҳам бор эди шекилли бир икки ўқув курси. Сен шу курсларга қатнаб, баҳслашиш қоидаларини ўрганасан, баҳслашиш маданиятини ўзлаштирасан. Шу курсларни муваффақиятли тамомлаганинг ҳақида сертификатингни халққа кўрсатасан. Учинчи шартим: Сертификатингни кўрсатганингдан кейин, Ўзбекистондаги ва унинг ташқарисидаги ватандошларимиз ҳурмат қиладиган икки уламони топиб, уларнинг гувоҳлигида баҳслашганда оппонентни яъни рақибни ҳақорат қилмасликка, унга туҳмат қилмасликка сўз берасан. Бу ваъдангни видеога ёзиб Ютюбдаги ва Фейсбукдаги барча каналларингга қўясан. Ана ўшандан сўнг сен билан ҳар қандай масалада юзма-юз ва жонли эфирда баҳслашаман. Унгача эса, сен билан баҳслашиш бефойда. Чунки сен мавзу ва аргументлар қолиб кетиб, яна шаллақилик қиласан. Сен баҳслашиш маданиятини ўзлаштиришинг учун кўп қовун пишиғи бор! Так что, олдин баҳслашиш маданиятини ўзлаштир, кейин кел! Ҳа, Аброр Мухтор Ёлғоний! Баҳслашиш маданиятини ўргатадиган курсларга боришингдан олдин сенга баҳслашишнинг энг биринчи шартини айтиб қўяй. Кўпчилик баҳслашишнинг энг биринчи шарти фактлардан ёки мантиқдан келиб гапириш ёки чиройли цитаталар келтириш деб ўйлайди. Аброр! Эсингдан чиқмасин: баҳслашишининг биринчи қоидаси – оппонетни, яъни рақибни яхшилаб эшитиш. Чала-чулпа эмас, яхшилаб эшитиш. Сен шу қоидани билмайдиган жоҳиллигинг туфайли “Аллачиларга жавобларим” – деган кўрсатувимни чала эшитгансан ва мен айтмаган оятни айтди деб, шошиб пишиб, калишингни йўлда кийиб, ютюбга чиққансан. Ва яна бир гап. Кеча чақириғинг ёзилган видео устидаги фотоколлажда “Бобо