ЯАЖ ЯЛЗ БОЛГОСОН, ШҮҮСЛЭГ ГАХАЙН ХАВИРГА ШАРАХ ВЭ | BBQ PORK RIBS IN THE OVEN HD

Та хоол сайн хийж чаддаггүй байсан ч энэ жороор шарсан гахайн хавирга хэзээ ч амтгүй болно гэж байдаггүй. Шүүслэг, аманд ороод хайлах мэт мэдрэмж төрүүлэх амттай бөгөөд амархан хоолны жор. Орц: Давс - 2 ц.х Нунтаг сармис - 2 ц.х Паприка - 1 ц.х Нунтаг сонгино - 1 ц.х Улаан перц - 1 ц.х /халуун ногоонд дургүй бол алгасах/ Зира - 1 ц.х Хар перц - 1 ц.х Гахайн хавирга - 2 кг /дундуур нь хуваалгаж авсан/ Оливын тос BBQ соус Хийх арга: 1. Хуурай амтлагчуудаа холино. 2. Хавиргаа сайтар арчиж, хатаагаад, дотор хальсыг хуулж, илүүдэл өөхийг авна. 3. Шарах шүүгээний лист дээр тунгалган цаас ахиухан дэвсэж бэлдэнэ. 4. Дээр нь хавиргуудаа тавиад, оливын тос түрхээд, урьдчилж бэлдсэн амтлагчуудаа тарааж өгнө. 5. Тунгалган цаасаараа сайтар ороогоод, урьдчилан халаасан 180С градустай шарах шүүгээндээ хийж 2 цаг болгоно. Жич: хэрэв битүү чанагчид хийх бол 1 литр алимны жүүсэнд дээрх амталсан хавиргаа хийн, 25 минут буцалгана. 6. Шарах шүүгээ/битүү чанагчаасаа гаргаад, торон лист рүү шилжүүлж, BBQ соус 2 талд нь түрхэнэ. 7. 240С градуст урьдчилж халаасан шарах шүүгээндээ хийгээд, 10 минут шараад бэлэн боллоо.