Erzgebirgisch für Anfänger HD

Erzgebirg, wie bist du schieee..Wer nichts versteht, kann auch gerne den deutschen Untertitel einblenden. A scheener Doch Glabbstes, dar Dooch. Dis wardr kaa Sach net. Do haste drhamm sood zetu un dann kimmtr nuchord noch aans nongne annern drquar. Kurz nongne Middoch, ich stand grod in dr Kammer off dr Hitsch, wullt grod de Gardine wiedr aufmochn, kam dr Klaane schie aus dr Schul. Mir hattn nämlich vur verrze Dog ausgewissn un do musste ah mit dr Wäsch wing hinnrhaar sei. Nu stand dar Draaml nu do un wusst nischt mit sich ahzefange, Schularbit gaam se zum Freddich ja ah net auf. Saaht iech ne glei, dassr sei Gack glei ahlessn sull, weil iech nämlich eh nuch mol in Dorf noch Eier wullt. Murgn ze Middoch sullts nämlich Karfenaadln mit Eischneidr gaam. Grod dad iech noch simmeliern, wu iech ne Autoschlissl hie hat, dats im Bad scherbln. War dr net dr klaane offm Hoodr ausgerutscht und do hats ne gelei koppiebr irbern Borschtwiesch offm Dääds gewixt. Dis dad nadierlich zwiebln un er fing ah glei ah ze haunln. Dr Schrack hatt ne nu gelei ewing stiwid gemocht. Sunst hatter siech aber net weidr ausgezohlt und do konntmr lus. In Dorf in Diska noh un fix eikaafn. Do gings dr zefodn. Laudr Uhiesche stresig. Ner fix wiedr naus, dacht iech esu. Zum Glick hat iech net noch mehr Waag ze erleding. Kurz nuch zun Flaaschr nei un hunnrt Gramm Harte gehult, weil mir in de Eischneidr garn ewing Harte hom. Dann ham, ging ja ah schie off dr sechsten Stund zu, un noch ward ball finster un galing stisste in Dunkln do. Mei Mah dad grod in Schnitzn mochn und wullt eigntlich heit Omd ah noch mit mir ze de Meiers in Eberdorf wing hutzn gieh, aber wenn dar im Schnitzn war und nochord baar Bier nei hoht, ward dar eh nimmr alt. Dr Gruuse hoht ja mero ah e Gumpfr un die wulltn heit Omd nuch off Annebarg off dr Sterz. Do wass iech eh, dass iech kaah Ruh hoh bis dar rei is. Aber itze bie iech erste Mol fartich fier heide, sitz offm Kannebee, hoh mr mei Strickliesl geschnappt un du arscht emol wing entspanne. Offm Arschtn brenge se eh grod meine Lieblingssendung. Dar Doog war wirklich wing ahstrengend, e feis Wing!