Баҳси адибон дар бораи Рӯдакӣ ва суннатгароӣ дар адабиёти форсу тоҷик HD

Дар китобхонаи миллии Тоҷикистон ба хотири бузургдошти сардафтари адабиёти форсу тоҷик конфронси байналмилалӣ таҳти унвони “Рӯдакӣ ва суннатгароӣ дар адабиёти тоҷику форс” доир шуд. Дар ин маҳофил, ки бо ибтикори Академияи илмҳои Тоҷикистон, Ройзании фарҳангии Ҷумҳурии Эрон ва Китобхонаи миллӣ роҳандозӣ гардид, олимону шоирон аз Тоҷикистон, Эрон, Афғонистон ва Ҳиндустону Покистон дар мавзӯи “Рӯдакӣ ва ҳуввияти миллӣ”, “Рӯдакӣ- шоири таъсиргузор”, “Ашъори навёфтаи устод Рӯдакӣ” ва “Ривоҷи маснавӣ дар шеъри Рӯдакӣ ва ҳамасрони ӯ” маъруза карданд. Ҳамчунин имрӯз дар макотибу донишгоҳҳои Тоҷикистон ба ин хотир маҳфилҳои рӯдакихонӣ доир мешавад. Аз соли 2002 инҷониб дар Тоҷикистон ҳамасола рӯзи 22-уми сентябр зодрӯзи Абуабдуллоҳи Рӯдакӣ -сардафтари адабиёти форсӣ-тоҷикӣ, шоири қарнҳои 9-10 ҷашн бо баргузории конфронсҳо ва сӯҳбатҳои мизи гирд ва мулоқот бо аҳли фарҳангу адаб аз Рӯзи Рӯдакӣ ҷашн гирифта мешавад. Фарҳангиёни тоҷик ҳам чунин тадобирро шароите барои боло бурдани ҷойгоҳи Рӯдакӣ дар миёни ҷомеъа ва ба хусус шинохти бештари насли ҷавон ба осори Рӯдакӣ медонанд.