“ТОЛИБОН ҳамчун ҲУКУМАТ шинохта нашавад”. ТОҶИКИСТОН ва АФҒОНИСТОН HD

Нуралӣ Давлат, рӯзноманигор ва муҳаққиқи тоҷик дар саҳифаи фейсюукияш дар мавриди даргириҳои охири Афғонистон 5 пешниҳод кард. Дирӯз толибон рӯйхати аъзои ҳукумати нажодпарастона (апартеидӣ) ва мутассиби худро эълом карданд. Шоҳидем, ки аксарияти мутлақи онро теъдоде аз пуштунҳои ифротгарои фашист ташкил медиҳанд. Бидуни шак, дар пушти таъсиси ин ҳукумати якқавмӣ Покистон истодааст. Акнун толибон интизоранд, ки кадом кишварҳо онҳоро ба расмият мешиносад. Сарвари давлати Тоҷикистон Э. Раҳмон ҳанӯз рӯзи 25 август зимни мулоқот бо вазири корҳои хориҷии Покистон Маҳмуд Қурайшӣ мавқеи кишвари моро дар ин масъала возеҳ муайян намуда, қотеъона изҳор дошта буд, ки агар дар Афғонистон ҳукумати ҳамашумул бо ширкати муносиби ҳамаи қавмҳо, аз ҷумла тоҷикон, ки қариб нисфи аҳолии Афғонистонро ташкил медиҳанд, таъсис наёбад, толибонро ба расмият нахоҳад шинохт. Дақиқан, баъди чанд рӯзи ин мулоқот раиси Созмони кашфи низомии Покистон Файз Ҳомид ба Кобул сафар кард ва ҳамлаи толибон ба Панҷшер, охирин дижи озод дар Афғонистон шурӯъ шуд. Ошкор аст, ки барои аз байн бурдани хатти ҷабҳа дар инҷо ҳавопаймоҳои покистонӣ мустақиман ширкат карданд. Беш аз як ҳафта аст, ки толибон Интернет ва алоқаи телефониро бо Панҷшер қатъ кардаанд, то ки дар бораи ҷиноятҳои низомиашон алайҳи сокинони ин минтақа, ки саросар тоҷик мебошанд, ҷаҳон хабар наёбад. Ин дар ҳолест, ки дар шабакаҳои иҷтимоӣ хабарҳое паҳн мешаванд, ки аз куштори дастаҷамъии мардуми Панҷшер тавассути толибони ваҳшӣ ва ин маймунҳои одамбашара гувоҳӣ медиҳанд. Ҳазрат Ваҳрез, собиқ раиси Маркази таҳқиқоти стратегии Вазорати умури хориҷии Афғонистон зимни як паём дар саҳифаи фейсбукии худ навиштааст: "Дар қарияи Бодкули Панҷшер айни ҳамон коре анҷом шуда истодааст, ки дар деҳаи Хатин (Белорусия) 22 марти соли 1943 сурат гирифта буд. Дар ин рӯз дастаи қиркунандаи фашистон ба хотири қасос гирифтан аз куштори чанд афсари немис аз усули масъулияти дастаҷамъӣ амал карда, 149 нафар сокини ин деҳаро зинда ба зинда сӯзонд. Толибон ҳоло дар деҳаи Бодкули вилояти Панҷшер ба таври оммавӣ занон, кӯдакон ва мӯйсафедонро кушта истодаанд. Онҳо хона ба хона даромада касеро, ки пайдо кунанд, мепарронанд". Бо дарназардошти ин гуфтаҳо, мехостам чанд пешниҳоди худро инҷо ироа кунам: 1.Ҳукумати Толибон ҳамчун ҳукумати нажодпарастона ва мутаассиб ба ҳеҷ ваҷҳ шинохта нашавад! 2. Ба далели ин ки Покистон яке аз ҳомиёни аслии созмони террористии Толибон аст, дархост мешавад, ки сафораташ дар Тоҷикистон фавран баста шавад! 3. Ва низ дархост мешавад, ки Ҷамму ва Кашмир ҳамчун ҷузъи ҷудонашавандаи Ҳиндустон эътироф карда шавад! 4. Дар қиболи ин, Фурудгоҳи низомии шаҳраки Айнӣ ба ихтиёри Нирӯҳои ҳавоии Ҳиндустон вогузор карда шавад! 5. Фаъолияти Тоҷикистон дар лоиҳаи CASA -1000 қатъ шавад.