Мулло Садриддин ба муддати 12 сол аз озодӣ маҳрум шуд HD

Додгоҳе дар Душанбе Cадриддин Муллоев маъруф бо номи Мулло Садриддин дар шаҳри Кӯлобро бо гуноҳи “терроризм“ ва “ифротгароӣ” ба 12 соли зиндон маҳкум кардааст. Дар ин бора хешовандонаш рӯзи 8-уми январ ба Радиои Озодӣ хабар доданд ва гуфтанд, ки ҳукм одилона нест. Муллоеви 35-сола, ки ба узвият дар созмони мамнӯи "Ҷамоати таблиғ" муттаҳам мешуд, ба гуфтаи наздиконаш, соли гузашта бо ваъдаи афв аз Туркия ба Тоҷикистон баргашт ва рӯзи 21-уми сентябри соли 2019 боздошт гардид. Хайриддин Муллоев, падари Садриддин дар сӯҳбат ба Радиои Озодӣ гуфт, ҷазое, ки додгоҳ барои писараш таъйин кардааст, бисёр сахт аст ва онҳо аз ин ҳукм ба додгоҳи болоӣ шикоят мебаранд.