Mongolian National Wrestling in Guinnesbook

Ч.Санжаадамба Гиннесийн барилдаанд түрүүлэв 2011 оны 9 сарын 25 Монголын үндэсний бөхийн холбооноос санаачлан зохион байгуулсан монголын үндэсний бөхийг Гиннесийн номонд бүртгүүлэх 6002 бөхийн барилдааны түрүү бөхөөр улсын залуу заан Ч.Санжаадамба тодорч, улсын отгон аварга С.Мөнхбат үзүүрлэлээ. Харин их шөвөгт өнөө жилийн түүхт ойн барилдаанд ес давснаар улсын арслан цол хүртсэн Г.Эрхэмбаяр үлдсэн бол дунд шөвөгт улсын арслан До.Ганхуяг, улсын арслан Х.Мөнхбаатар, улсын харцага Ө.Бат-Орших нар тунан үлдсэн юм. Энэ сарын 17-нд Төв цэнгэлдэх хүрээлэнд нээлтээ хийж, ес хоног үргэлжилсэн, 13 даваатай бөхийн барилдааны түрүү бөхөөр тодорч, Гиннесийн номонд нэрээ мөнхлөх өвөрмөц нэгэн амжилтын эзэн болсон, Архангай аймгийн Хашаат сумын харьяат, "Бөхбилэгт" дэвжээ, Уулын баяжуулах "Эрдэнэт" үйлдвэрийн "Хангарьд" спорт хорооны бөх, улсын заан Ч.Санжаадамбыг суварга хэлбэртэй цом, 15 сая төгрөгөөр байлсан. Мөн их шөвөгт шалгарсан улсын аварга С.Мөнхбат, улсын арслан Г.Эрхэмбаяр нарт цом хүртээж, С.Мөнхбатад 10 сая төгрөгийн батламж гардуулсан юм Геннисийн амжилтад бүртгэгдэх барилдаанд Ч.Санжаадамба түрүүлэв Монгол бөхийг Гиннесийн номд бичүүлэх 6002 бөхийн барилдааныг амжилттай зохион байгууллаа. Энэхүү нэр хүндтэй барилдаанд Монгол Улсын заан Ч.Санжаадамба өвдөг шороодолгүй 13 давж түрүүллээ. Түрүүлж үзүүрлэсэн бөхчүүдэд Ерөнхий сайд С.Батболд, УИХ-ын гишүүн, дархан аварга Б.Бат-Эрдэнэ нар Монгол бөхийн бэлэгдэл болсон суварга бүхий цомыг гардуулсан юм. Мөн түрүүлсэн бөхөд 15 сая, үзүүрлэсэн бөхөд 10 сая төгрөгөөр байлав. Их шөвөгт үлдсэн Улсын арслан Г.Эрхэмбаярыг долоон сая төгрөгөөр байлав. 6002 бөхийн түүхэн барилдааны их шөвөгт арслан Д.Ганхуяг, арслан Х.Мөнхбаатар, харцага Ө.Бат-Орших нар буюу сүүлийн үеийн барилдаануудад байнга амжилттай барилдаж өнгөлдөг бөхчүүд үлдсэн юм. Нийт есөн өдөр үргэлжилсэн барилдаанд бахархал болсон бөхчүүд ир бяр, хүч чадал, ухаанаа уралдуулан дэлхийн амжилтыг тогтоолоо. Барилдааны сүүлийн өдөр Бөхийн өргөө бөх сонирхогчдоор дүүрч 6002 бөхийн түүхэн барилдаанд хэний хүү ир бяр, ур ухаанаараа илүүрхэн түрүүлэхийг тэсэн ядаж хүлээсэн юм. Үзүүр түрүүнд заан Ч.Санжаадамба, энэ жилийн наадмын түрүү, аварга С.Мөнхбат нар үлдсэн юм. Барьц авч хаялцаагүй учир шодож Ч.Санжаадамбын талаар золгоход барьц тавилцав. Ингээд С.Мөнхбат аваргын талаар золгоход бас л барьц тавилцсан юм. Дараа нь Ч.Санбаадамжа заан давхар шуудагны барьцнаас дотуур хутгасан ч дутуудсан юм.