Баткенде кайрадан ок атылды.

Кыргыз-тажик мамлекеттик чек арасында бугун 6-августтун таңында кайрадан курал колдонулган окуя катталды. Бул тууралуу Кыргызстандын Мамлекеттик чек ара кызматы кабарлады. Мекеменин маалыматына ылайык, Баткен облусунун Баткен районуна караштуу Эки-Таш жергесинде тажик тараптан белгисиз бирөөлөр кыргызстандык чек арачыны болжол менен мергенчилик мылтыктан аткан. Чек ара отрядынын кызматкери колунан жарадар болгон. Ага медициналык жардам көрсөтүлуп, абалы канааттандыраарлык деп бааланып жатат.