Мухлисон дар бораи шавхари чавон кардани Сурайё Косимова чӣ гуфтанд? HD

Дар сомонаҳои интернетӣ навори видеоие пайдо шуд, ки ҳамагонро дар ҳайрат гузошта, боиси пайдо шудани овозаву ҳангомаҳои зиёде гашт... “Тӯйи Сурайё Қосимова”-чунин унвон дорад ин навори баҳсбарангез, ки сару садоҳои зиёдеро дар ҷомеа ба бор овардааст. Ин навори хеле кӯтоҳмуддат буда, аз як маҳфили зебои тӯйи арӯсӣ бардошта шудааст. Як гурӯҳ занону духтарон бо хурсандиву рақсу бозӣ арӯсеро, ки дар сар рӯймоли калони сафед дорад, аз як хона ба хонаи дигар мебаранд. Чодари калони арӯсӣ аз он гувоҳӣ медиҳад, ки навор аз маъракаи никоҳ бардошта шудааст. Арӯс, ки танҳо дар як ҷойи навор чеҳрааш ба назар ҷилвагар мешавад, ба примадоннаи эстрадаи тоҷик Сурайё Қосимова шабоҳат дорад. байни истифодабарандагони интернет баҳсу мунозираҳо атрофи ин навор хеле зиёданд. Гурӯҳе мегӯяд дар ҳақиқат модари ситораи №1-и тоҷик-Шабнами Сурайё ва Фарзонаи Хуршед-примадонна Сурайё Қосимоваи 63-сола аз ҳамтои русаш Алла Пугачева қафо намонда, бо як ҷавони 32-сола издивоҷ намудааст, вале иддаи дигар ин овозаро рад карда, иддао доранд, ки ин навор танҳо як лаҳзаи клипи нави Сурайё Қосимова мебошад.