ЛАТТУКӮБИ ҶАВОНОН ДАР ФАРХОР АЗ ҶОНИБИ МУОВИНИ САРДОРИ МИЛИСА

Ба дасти идораи сомонаи “Ахбор” видеое расид, ки тавассути камераи назоратӣ дар як интернет-кафе дар маркази ноҳияи Фархор сабт шудааст. Дар видео, ба гуфтаи нафаре, ки ин наворро фиристод, муовини сардори ШВКД ноҳияи Фархор Манучеҳр Раҷабзода сабт шудааст, ки чӣ гуна вориди интернет-кафе мешавад ва ҷавонони дар онҷо ҳузур доштаро латтукӯб мекунад. Ба гуфтаи манбаи “Ахбор”, ин бори аввал нест, ки ин мақоми баландпояи милиса ба сари сокинон даст мебардорад ва чунин зӯроварӣ ва бадрафторӣ мекунад.