5 ШАРТИ “КОМИССИЯИ 44” БА МАҚОМОТ: ИШТИРОКЧИЁНИ АМАЛИЁТ ДАР ДЕҲАИ ТАВДЕМ ҲАБС ШАВАНД! HD

Намояндагони ҷомиаи шаҳрвандии Вилояти Мухтори Кӯҳистони Бадахшон аз “комиссияи 44”, ки эътирозгарони шаҳри Хоруғ барои музокирот бо мақомот ва назорати ҷараёни иҷрои талабҳояшон интихоб кардаанд, дар назди мақомот 5 шарт ё талаб гузошта, гуфтаанд, то замони иҷро шудани ин талабҳояшон аз идомаи ҳамкорӣ бо мақомот даст мекашанд. Мақомоти расмӣ шартҳои гузоштаи комиссияи 44ро то ҳол шарҳ надодаанд, вале дар дархости комиссияи намояндагони ҷомеаи шаҳрвандӣ оиди воқеаҳои 25-28 ноябри соли 2021, ки бо имзои раиси ин комиссия Фаромӯш Иргашов ба номи сардори гуруҳи тафтишотии Прокуратураи генералии ҶТ Ҳокимзода М. навишта шудааст, чунин омадааст: Дархости комиссияи намояндагони ҷомеаи шаҳрвандӣ оиди воқеаҳои 25-28 ноябри соли 2021 Боздоштани ҳаракатҳои тафтишотӣ то иҷро намудани талабҳои зерин ба роҳ монда шавад: 1. Гузаронидани ҳаракатшои тафтишотии яктарафа аз тарафи гуруҳи тафтишотӣ вобаста ба қазияи рухдода дар деҳаи Тавдеми ноҳияи Роштқалъа ва дар шаҳри Хоруғ дар санаҳои 25-28 ноябри соли 2021, ки тафтишот фақат нисбати шаҳрвандон ба роҳ монда шудааст ва баръакси ҳол, оиди куштори 3 нафар сокини ноҳияи Роштқалъа ва захмӣ гаштани 17 нафар захмишуда аз тири яроқи оташфишони мақомоти қудратӣ парванда кушода нашудааст. 2. Озод намудани сардори КДАМ ВМКБ аз вазифаи ишғолшуда, бо хунукназарӣ дар иҷрои вазифа ва монеа эҷод намудан ба тафтишот ҳамчун шахси манфиатдор ба ҷавобгарии ҷиноятӣ кашида шавад. 3. Ҳамаи кормандоне, ки дар амалиёти деҳаи Тавдем иштирок карда буанд, аз вазифаҳояшон озод карда шуда, нисбаташон чораҳои пешгирӣ дар намуди ҳабс интихоб карда шавад. 4. Ҳамин хел ҳаракатҳо айнан нисбати кормандони сохторҳои қудратӣ, ки дар қазияҳои майдони И.Сомонӣ ва бирнои ҳукумати ВКМБ иштирок карданд, ҷорӣ карда шавад. 5. Кушодани парвандаи ҷиноятӣ нисбати сардори ШВКД шаҳри Хоруғ барои додани нишондодҳои бардурӯғ.