22 пеледышын - Шарнымаш да ойгырымаш кече! Шарнена!

Калыкым волгалтарымаш пост: 2020 ийыште пеледыш тылзын 22-шо кечынже Шарнымаш да ойгырымаш кече – Кугу Ачамланде сар тӱҥалмылан 79 ий. Лач тиде кечын историйыште эн шучко сар мемнан элыште тӱҥалын да 1941 ий кеҥежым йоктара, тудо 1939-1945 ийласе Кокымшо Тӱнямбал сарын тӱҥ ужашыжлан шотлалтеш. 2009 ий гыч тӱҥалын 22 пеледышышто Шарнымаш да ойгырымаш кечын «Шарнымаш сорта» акций эртаралтеш. Тиде кечын тӱрлӧ мер организаций-влакын ӱшанъеҥышт Кугу Ачамланде сар дене кылдалтше верлашке эр эрденак толыт да сортам чӱктат. Поснак Шарнымаш да ойгырымаш кечым талешке олалаште да сарзе чапан олалаште палемдат. «Шарнымаш сорта» акций деч посна тӱрлӧ илыме верлаште тыгак тиде кечылан пӧлеклалтше акций-влак эртат. Моско олаште «Крымская набережная» пурла серыштыже «Шарнымаш линий» акций эртаралтеш. Тышан 1418 сортам ылыжтат (лач тынар кече шуйнен сар). Кажне ийын мемнан рӱдолан Александровский садыште «Шарнымаш вахте – Курымаш тул» патриотический акций эрта. 2019 ийыште Шарнымаш да ойгырымаш кечын Россий Федерацийын обороно Министерстве «Шарнымаш кормыж» военно-патриотический акцийлан корным почын. Ты акций почеш тӱрлӧ мландыште улшо иза-шольо-влакнан шӱгарла гыч мландым Москосо Вооружённый Вийын Тӱҥ Храмын историко-мемориальный комплексыш кусарен колташ лиеш. Проект «МОСКО МАРИЙ ТӰВЫРА РӰДЕР» тиде акцийыш ушнаш темла да тыгак 21-ше гыч 22-шо пеледышыш вончышо йӱдым окнаште сортам чӱкташ да Шочмо кундем верч шке илышым пуышо талешке-влакым пагален шарналташ! Волгыдо шарнымаш чылаланат, кӧ тыныс илышым мыланна пӧртылтен. Нунылан вуйым савена! Монтаж: Служба видеомаркетинга #кугуачамландесар #шарнымашсорта #свечапамяти #вахтапамяти #шарнымашкормыж #марийэл #почеламут #муро #народыРоссии #йылме #мариййылме #марийскийязык #москомарийтӱвырарӱдер #марийцымосквы