Ага тылзын 22-шо кечынже Аркадий Степанович Крупняковын шочмыжлан 101 ий

Калыкым волгалтарымаш пост: Ага тылзын 22-шо кечынже Аркадий Степанович Крупняковын шочмыжлан 101 ий (1918-1994). Марий серызе, драматург, журналист, СССР Серызе-влак ушемын йыжъеҥже (1968), Марий АССР-ын Калык серызыже (1978), Марий АССР-ысе Кугыжаныш премийын лауреатше (1975), 1941-1945 ийласе Кугу Ачамланде сарын участникше. Аркадий Крупняков 1935 ийын ага тылзын 22-шо кечынже Шнаран сола Роҥго кундемыште (кызыт Совет кундем) кресаньык ешеш шочын. Шым классым пытарымеке Аркадий Крупняков паровоз машинистлан тунемаш пурен, тыгак механикын полышкалышыжлан кӱртньо корнышто пашам ыштен. Идым тылзын 1942 ийыште Йошкар Армийыш каен. Кугу Ачамланде сар годым Аркадий Степанович командир отделений лийын, тыгак политрук ротын алмаштышыже, взводын командирже, фронт газетын корреспондентше. 1942 ийыште Ленинград фронтышто сарлыме годым, бой коклаште тудо шке икымше «Белые ночи» приключенческий повестьым возен. Сар деч вара Аркадий Крупняков Марий Элын да Татарстанын икмыняр газетыште тыршен. 50-ше ийла тӱҥалтышыште тудо Белогорск олашке илаш вончен да «Крымская правда» газетыште пашам ышташ тӱҥалын. Тиде жап гыч Аркадий Степанович исторический романым возаш кумылаҥын. 1961 ийыште «У моря Русского» икымше романже лектын. Тиде роман А.С. Крупняковлан лӱм-чапым конден. 1968 ийыште Аркадий Степанович СССР Серызе-влак ушемыш пурен. Вара серызе «Марш Акпарса», «Лада», «Раскол», «Есть на Волге утёс», «Гусляры» трилогийым воза. Нунын коклаште шукыжын историй жанрыште возымо улыт. Тыгак Аркадий Степанович икмыняр пьесе-влакым возен, кудым ончаш толшо-влак Йошкар-Оласе Руш Драматический театрыште куанен ончат. «Расплата» пьеса почеш спектакль Моско олаште Всесоюзный драматический театр ончымашыште I-ше степенян дипломым налын. «Марш Акпарса» почеш постановка Руш Драмтеатрын шӧртньӧ фондышкыжо пурен. 1989 ийыште «Амазонки» икымше фантастический роман лектын, а 1993 ийыште тудын шуйнымашыже – «Пояс Ипполиты». Тиде А.С. Крупняковын пытартыш произведений лийын. Кызыт Аркадий Степановичын пашажым тудын эргыже шуя, Россий да Украинын Серызе-влак ушемын йыжъеҥже Сергей Аркадьевич Крупняков. Чап (Награды и звания): «Ленинградым аралымылан» медаль (медаль «За оборону Ленинграда» (1942), «Бойысо суаплан» медаль («За боевые заслуги», 21.01.1943), Йошкар Шӱдыр орден (орден Красной Звезды, 1944), II степенян Ачамланде сар орден (орден Отечественной войны II степени, 06.04.1985), медаль «За доблестный труд», Калык-влакын Келшымашышт орден (орден Дружбы народов, 1979), Марий АССР Президиум Верховный Советын Чапкагазше (Почётными грамотами Президиума Верховного Совета Марийской АССР (1970, 1984, 1989). Марий АССР-ын Калык серызыже, Народный писатель Марийской АССР, 1978) Марий АССР-ысе Кугыжаныш премийын лауреатше, Лауреат Государственной премии Марийской АССР, 1975). Шарнымаш (Память): Именем писателя названа одна из улиц п. Советский. Именем А.С. Крупнякова названы районная библиотека в п. Советский (с 1995 года) и модельная библиотека-музей в c. Чкарино