Мæнгхæрзаудæн «фондтæ»

Æххуысгæнæджы къух, дам, нæ сысы, фæзæгъынц. Æмæ æххуысцух адæм æгæр бирæ куы уой, уæд та? Уæлдайдæр та ахæм хъуыддæгтæ мæнг куы вæййынц, уæд... Ахæм цаутæ горæты къуымты арæх фенæн ис. Ахуыр кæуыл стæм, уыцы цигантæй нæ зæгъæм. Ныр фæлитойтæ ноджы æрхъуыдыджындæр сты. Сæ митæ бамбæхсынц алы хорз хъуыддæгты аууон. Рынчын æмæ æцæгæйдæр æххуысцух адæмæн сæ мæнгард архайд ницы ахъаз у. Афтæмæй та æдзæсгæмттæ фæливынц адæмы суанг социалон хызты. Фылдæр адæм кæм ис, уым хуыздæр у... Уыимæ, æвæццæгæн, бирæтæ не сразы уыдзысты, æхцайы мондагæй йæ цæсгом чи фесæфта, уыдон та -уæлдайдæр. Уый та уымæн æмæ цас фылдæр адæмы раз сæвæрай хæрзаудæн æххуысы тыххæй хъусынгæнинагимæ урнæ, уый бæрц фылдæр æхца сæмбырд кæндзынæ. Зæрдæхæлар адæм бирæ, æххуыс бацагурын дæр худинаг нæу. Æрмæст æй цæрджытæ куыд хъуамæ равзарой, æцæг фонд æмбырд кæны æхца æви мæнг хæрзгæнджытæ, уый бæрæг нæу. Дæ къухты медицинон, кæнæ юридикон гæххæттытæ куы уой, уæд сæ æцæгдзинад фыццаг бакастæй равзарын æнцон нæу. Чи зоны æмæ æцæгæйдæр, фырадæргæй рацыд æххуыс курынмæ. «Фæлæ ахæм адæм бирæ не сты. Æхца курджытæ арæхдæр сты цæстфæлдахджытæ», — æмбарын кæнынц хæрзаудæн фондты минæвæрттæ. Хъуысаты Амырхан — хæрзаудæн фонды разамонæг: «Хæрзæрæджы, раст 2 къуырийы размæ рабæрæг кодтам 9 адæймаджы. Сты Тольятийы цæрджытæ. Республикæмæ та ссыдысты, цыма сывæллæтты хæдзарæн æхца æмбырд кæнынц, уый æфсонæй. Фыццаг бакастæй сыл ничи фæгуырысхо уыдаид, сайджытæ сты, ууыл. Сыгъдæг уæлæдарæс, семæ урнæтæ, суанг ма мыхуыртимæ дæр. Чи сты, уый бæрæг кæнын райдыдтам. Æхца кæмæн æмбырд кодтой, уыцы сывæллæтты хæдзары йæ зонгæ дæр ничи кодта, æххуысхъуаг сты, уый». Фæстаг азты цæстфæлдахæн митæ тынг сарæх сты. Æххуыс бацагурын, асайын...«цыма закъонмæ гæсгæ кусыс», уый æфсонæй адæмы хцатæ расайыны фадæттæ сарæх сты. - Как вы относитесь к людям, которые на улице просят деньги? - Если честно, я не всегда доверяю. Я сама лично женщине подавала, которая была с ребенком грудным, а потом я вынуждена была идти на конференцию. И эта женщина выезжала на таком крутом автомобиле, имея трехэтажный особняк! - Вот только что с подружкой возмущались, что в последнее время их стало очень много. Даже не знаешь: кому верить, кому не верить. - Мы все больше слышим о том, что их привозят, специально расставляют вот этих калек, бедных людей, и они для кого-то собирают деньги. Æцæг хæрзаудæн организацитæ сты регистрацигонд, кусынц закъонмæ гæсгæ, ис сæм æппæт æмбæлгæ гæххæттытæ, дзуапп дæтынц федералон закъоны æппæт домæнтæн. Цæгат Ирыстоны дæр гыццыл не сты «Русфонд», «Быть Добру», «Фонд Милосердия», «Успение», «Уæрæсейаг сырх Дзуар», «Сывæллæтты Фонды» хайад æмæ `ндæртæ. Иууылдæр сты реестрмæ хаст æмæ сæ сбæрæг кæнын зын нæу. Фæлæ закъонхалджытæ дæр фæсæрæн сты. Æрхъуыды кодтой афæливыны ног хуызтæ — байгом кæнынц æнæкоммерцион организацитæ, ссарынц мæнг æххуысхъуаг адæмы æмæ сын радтынц мæнг æхцатæ. Закъонхалджытæ æрхъуыдыджын сты æмæ сæ рабæрæг кæнын азæй азмæ зындæр кæны. Фæлæ, специалистты ныхасмæ гæсгæ, цалдæр фарсты