Таркиш мошини калон дар шоҳроҳи Душанбе-Хуҷанд. 2 нафар ба ҳалокат расидааст.

Субҳи рӯзи 6-уми сентябри соли равон дар километри 43.400-уми шоҳроҳи Душанбе – Хуҷанд садамаи нақлиётӣ ба қайд гирифта шуд. Маълум гардид, ки як мошини сӯхтбари мутааллиқ ба як сокини 37-солаи деҳаи Панҷи ноҳияи Панҷ, ки бо хатсайри Хуҷанд – Душанбе дар ҳоли ҳаракат буд, ба дарёи Варзоб сарозер шудааст. Ин мошин гази моеъ интиқол медод ва баробари аз соҳил ба дарё бархурдан, таркиш ба амал омад. Дар натиҷаи ин таркиш ду нафар ба ҳалокат расидааст. Сабабҳои ин садамаи маргбор маълум нестанд. Мақомоти ҳифзи ҳуқуқ ҳодисаро таҳқиқ ва иллатҳои онро муайян мекунанд.