Авария дар Хучанд 2 нафар халок шуд 3тани дигар мачрух шуданд

Дар пайи бархӯрди нақлиёти тамғаи «Опел Астра» ба дарахт дар Хуҷанд ду нафар, ки яке аз онҳо шаҳрванди Ҷумҳурии Беларус мебошанд ба ҳалокат расидаанд. Ба ҷузъ онҳо боз се нафари дигар бо бардошти ҷароҳати гуногуни ҷисмонӣ ба беморхонаи клиникавии вилояти Суғд интиқол дода шудаанд. Бозраси давлатии автомобилии шаҳри Хуҷанд дар ин бора иттилоъ дода гуфт, ки ронандаи 34 сола дар ҳолати мастӣ соати 03:10 дақиқаи шаби 30 сентябр, ҳангоми ҳаракат аз маҳаллаи 19-ум тариқи кӯчаи Рифъат Ҳоҷиев ба самти маҳаллаи 32-и Хуҷанд, аз ӯҳдаи идораи нақлиёт набаромада ба дархти канори роҳ бархӯрдааст. Дар натиҷа ду мусофир, яке сокини Хуҷанд ва дигар шаҳрванди 33 солаи шаҳри Мински Беларус дар ҷойи ҳодиса ба ҳалокат расидаанд. Се нафар мусофирони дигар, ки ҳама сокинони шаҳри Хуҷанд мебошанд бо бардошти ҷароҳати гуногуни ҷисмонӣ ба беморхона интиқол дода шудаанд. БДА нисбати ронанда, Шӯҳрат Шарифови 34 сола сокини шаҳри Хуҷанд маводи лозима тартиб дода дар ин самт санҷиш идома дорад.