Мыхуыры раугъдад
Уæрæсейы райдыдта 2019-æм азы фыццаг æмбисæн периодикон мыхуыр рафыссыны кампани. Дыууæ мæйы уый бакæнæн уыдзæн раздæры æргътæм гæсгæ. 1-æм сентябрæй фæстæмæ йыл схæцдзысты 7 проценты. Уæвгæ, нæ республикæйы цæрджытæ хабæрттæ æмæ æндæр информаци арæхдæр электрон хызæгтæй базонынц. Уый хорз у, æви нæ? Мыхуыры фæрæзтæ æмæ рауагъдадтæ ногдзинæдты ныхмæ куыд фæразынц? Нæ уацхæсджытæ йæ зонынц. Æрæджы дæр ма вазыгджындæр информацион фæрæзыл нымад уыд газет. Адæмы хъуыдымæ гæсгæ иуыл æххæстдæр æмæ бæлвырддæр хъусинæгтæ æрмæстдæр газеты базонæн уыдис. Рæстæг цæуы, чи зоны фарн йемæ хæссы, фæлæ ныридæгæн газет фыссджыты æмæ газеткæсджыты нымæц дзæвгар фæкъаддæр.Ныры рæстæг у дзыллон информацион фæрæзты дуг. Уыдонимæ та рауагъдадæн тох кæнын æнцон нæу.Нæ республикæйы газеттæ кæм мыхуыр кæнынц, ахæм хайæдтæ иу æмæ дыууæ не сты. Фæлæ дзы сæрмагондæй хицæн бынат ахсы республикон газет "Рæстдзинад". Уый та уымæн æмæ ам национ тематикæмæ стыр æргом здæхт цæуы. Ома, сæ сæйрагдæр хæсыл нымайынц-мадæлон æвзаг бахъахъхъæнын.Фæлæ кæд сæ фæндон фæзминаг æмæ ахадгæ у, уæддæр сæ фæндагыл æмбæлынц цæлхдуртимæ . Кæд газеты аргъ дзæвгар фæкъаддæр , уæд газет рафыссыны аргъ та нæ. Редакцийы куыд зæгъынц, афтæмæй,уый у Уæрæсейы посты æргъты политикæйы аххос. Битарты Маринæ: «Уыимæ цины хабар. Ацы аз Уæрæсейы Посты бафæндыд газеткæсджыты барæвдауын. Ацы аз газет рафыссыны аргъ нæ фæзынаргъдæр уыдзæн. Фæлæ иннæ аз, гæнæн ис æмæ та аива.Газет мыхургæнæн куыстуæтты уавæр цæйфæрцы хъуамæ фæхуыздæр уа, кæд æмæ газеткæсджытæ фылдæр пенсиисджытæ сты, уæд. Æрыгæттæм газет бакæсын цымыдисаг нæ кæсы,уыимæ ма йæ аргъ дæр фылдæр-фылдæр кæны. Дзыллон информацион фæрæзты æппæт уыцы хъуыддæгтыл æрдзырдтой Мæскуыйы адæмыхæттыты комитеты æмæ Паддзахадон Думæйы информатизаци æмæ бастдзинады комитеты хъæппæрисæй цы тымбыл стъол арæзт æрцыд, уым.Цагат Ирыстонæй уырдæм абалц кодта газет "Северная Осетия"-йы сæйраг редактор Касаты Алан». Касаты Алан: «Æрдзырдтам Уæрæсейы посты минæвæрттимæ.Уыдон сæхицæй æппæлыдысты, ома 2018 азы æргътыл не`схæцыдыстæм, зæгъгæ, фæлæ фæнысан кодтой 2019 азы æндæр гæнæн нæй, фæлæ уæд цас фæфылдæр уыдзæн, уымæн ничи ницы зоны.Уый та мыхуыры дзыллон информацион фæрæзтæн пайда нæу.Уал азы периодикон рауагъдады кусгæйæ æрцыдтæн хатдзæгмæ, аргъ цс фылдæр кæн, уыйас нæ газет рафысджыты бæрц къаддæр кæндзæн». Фæлæ æрмæстдæр аргъ у азымджын? Литературон журналтæн дæр сæ кæсджыты бæрц дзæвгар фæкъаддæр ис.Редакцийы кусджыты хъуыдымæ гæсгæ:æцæг литературон дзырдмæ ад сывæллоны хъомылады æнæмæнг хъуамæ уа, афтæмæй литерæтурæмæ уарзондзинад дæр рæздзæн.Уый та ныры рæстæг хуымæтæг хъуыддаг нæу.Журнал "Мах дуг"-ыл ныр 70 азæй фылдæр цæуы. фæлæ а фæстаг рæстæг кæддæр адæмæн уарзон цы рауагъдад уыд æмæ сын удæнцой чи хаста,уый ныртæккæ рафыссыны æмæ бакæсыны аргъ дæр цæмæдæр гæсгæ нал у. Мамыхъуаты Хъазыбег: «Æхсызгон та уый у, æмæ редакторты фидарæй уырны-традицион дзыллон информацион фæрæзтæ сты æнæмæлгæ. Кæддæриддæр сты æмæ уыдзысты.Уæлдайдæр та регионты, уый та уый тыххæй
