Хабар. Мунтахаби Тоҷикистон ба финал роҳ ёфт

Тими миллии футболи Тоҷикистон дар бозии охири марҳилаи гурӯҳии мусобиқаи байниминтақавии қаҳрамонҳо 2019 («Hero Interсontinental Cup 2019») аз Кореяи Шимолӣ бо ҳисоби 0:1 ба бохт дучор омад. Ягона тӯбро дар дақиқаи 33-юми бозӣ Ри Ҷун ба дарвозаи Рустам Ятимов зад. Аммо ин нокомӣ барои роҳ ёфтани тими миллии мо ба бозии ниҳоӣ, ки интизор меравад 19-уми июл доир шавад, монеа нашуд. Дар ду бозии қаблӣ футболбозони тоҷик бар Ҳиндустон (4:2) ва Сурия (2:0) зафар ёфта, 6 имтиёз ба даст оварданд. Баъди анҷоми бозӣ миёни мунтахабҳои Ҳиндустон ва Сурия рӯзи 16-уми июл ҳарифи навбатии тими миллии мо маълум хоҳад шуд. Ҷоми байналмилалии «Hero Interсontinental Cup 2019» Бозии 3-юм Кореяи Шимолӣ – ТОҶИКИСТОН – 1:0 Гол: Ри Хёнг Чжин, 33. Тоҷикистон: Рустам Ятимов, Аҳтам Назаров, Табрези Давлатмир, Искандар Ҷалилов (Зоир Ҷурабоев, 81), Сиёвуш Асроров, Илхомвон Баротов (Шарафвон Солеҳов, 87), Муҳаммаҷон Раҳимов (Нозим Бобоҷонов, 37, Алишер Баротов, 90+5), Эҳсони Панҷшанбе, Амирбек Ҷурабоев, Шериддин Бобоев (Шаҳром Самиев, 63), Комрон Турсунов (Отабек Каримов, 72). Таджикистан Корея / Tajkistan Korea DPR / India