АВИДЫН ЧОГО,ЭНХЖИНГИЙН ОРОН-1

АВИДЫН ЧОГО, ЭНХЖИНГИЙН ОРОН-1. 2012-2-17 Энхжингийн орны ерөөл (Пүлжүн ма) Гайхамшигт үйлсээр бүгдэд Үлэмжийн цогийг соёрхогч, Ганцхан дурьдсан тедийд ч Үхлийн эзнийг үргээгч, Тэгш нигүүлслээр амьтдыг Үр мэт энхрийлэгч Тэнгэр хүмүүний багш Цаглашгүй настад мөргөе. Энэрэлт Бурхан багш Олон зуун удаа Эрхэмсэг дээд орны Охь манлайд өргөмжилсөн Энхжингийн оронд төрөхийн Эл хэдэн ерөөлийг Элбэрэл журмын сэтгэлээр Эвлүүлж холбон өгүүлье. Авах, гээхийн учгийг Мунхгийн манангаар халхалсан, Амар заяаны амийг Хорслын мэсээр хөнөөсөн, Аюулт орчлонгийн гянданд Шуналын цалмаар хүлэгдсэн, Ахуй сансрын далайд Үйлийн усаар автсан, Өтлөх, өвдөх зовлонгийн Түмэн давалгаанд нэрмүүлж, Өршөөлгүй үхлийн матарт Ахин дахин залгиулсаар Өед харшгүй зовлонгийн Гачлант үүрэгт дарагдсан Өмгөөлөх эзэнгүй би Гаслан цурхиран дуудъя. Эгээрэл хүслийг минь бүтээх Итгэл найдвараа болгож, Энэлсэн амьтныг аврагч, Мөнхийн гэрэлт Аминдаваа, Эрх хүчин төгс Үлэмжийн чанарт Аръяабал Энэрэгч та бүхэндээ Бишрэн залбирах аваас, Үй түмэн галавт Хөөрхий биднийг тухайлж, Үлэмж хайраа ундраасан Тангараг юугаа марталгүй Жигүүртний хаан гарьд Тэнгэр огторгуйд дүүлэх шиг Жигт хувилгаан хүчээр Энд морилж хайрла. Нас эцэслэх цаг минь тохиоход, өөрийн болоод бусдын өнгөрсөн , одоо, ирээдүйн сайн үйлс буян бүхний нэгдмэл хүчээр би ууган хоёр шавь тэргүүтэн ариун нехдеерее хүрээлүүлсэн Аминдаваа бурхныг ил тод үзэх болтугай. Аяа, тэр цагт авралт тэднийг үзмэгц чин зүрхний сүсэг минь ундарснаар нажид зовлонг биеэр эдлэлгүй, ариун диваажинг сэтгэлдээ марталгүй амар тайван негчих болтугай. Нас негчсен даруйд найман их бодисатва хувилгаан шидээр залран ирж, Энхжингийн оронд хетеч болон хүргэх болтугай. Мэндэлсэн даруйдаа тарни, бясалгал, энэрэл хайр, суу заль тегелдер эрдмийн яндашгүй баян санг эзэмшиж, Агуу их Аминдаваа тэргүүтэн арван зүгийн гэгээн бурхад, бодисатва нарыг баясган, их хелгений сургаал бошгыг хүртэх болтугай. Тэр бүх сургаал номын утгыг зүй ёсоор ухаарч, агшин зуурт тоо томшгүй ертенцед хувилгаан хүчээр зорчин, бодь сэтгэлтний гайхамшигт замналыг гүйцэтгэх болтугай. Ариун дагшин оронд мэндэлсэн ч тэсгэлгүй энэрэл хайрандаа хетлегден, хувилгаан билгээр энэлэн зовлонт орнуудад очиж, оршин суугчдад тус тусын ойлгох хэлээр нь буян номыг сэнхрүүлж, Бурхан багшийн баясгалан болсон гэгээрлийн замд оруулах болтугай. Тэр бүх ялгуун үйлсийг даруй биелүүлэх үүднээс хязгааргүй олон амьтны тусын тулд тегс гэгээрсэн бурхны хутгийг түргэн зуур олох болтугай. Үхэх цаг минь нэгэнт болбол Үлэмж нехдее дагуулсан Аминдаваа Үзэх нүдийг минь гийгүүлэн тодорч Өршеел сүсгээр сэтгэлийг минь бялхааг. Илбэ зуурдын үзэгдэл ургахад Итгэлт найман бодьсадва газарчилснаар Энхжинд мэндлээд хувилгаан хүчээр Энэлэнт ертенцийн амьтдыг аваръя.