Фаъолияти нуқтаҳои фурӯши сӯзишворӣ қатъ карда шуданд

Чанде қабл оид ба риояи нагаштани одитарин қоидаҳои бехатарӣ аз сухтор ва бунёд гардидани нуқтаҳои фурӯши маводҳои сӯзишворӣ дар маҳалҳои аҳолишинро, мо аз ҳудуди ноҳияи Кӯшониён ва шаҳри Бохтари вилояти Хатлон, наворбардорӣ кардаву пешниҳод намуда будем. Дар навбати худ, масъулини Раёсати давлатии оташнишонии вилоят, баъди дар эфир пахш гаштани маводи интиқодӣ, вокуниши саривақтӣ нишон дода, қисман камбудиҳоро дар иншооти наворбардорӣ шуда, бартараф намуданд. Ҳарчанд дар аксари нуқтаҳои фурӯши сузишворӣ, имрӯз қоидаҳои бехатарӣ аз сухторро каму беш риоя намоянд ҳам, вале ҳамоно, маҳалли ҷойгиршавияшон, наздик ба хонаҳои истиқоматии сокинон боқӣ монда аст.