CCN: Japan Ral an Teinak Kum (70)tling Camtuak Cu Taluk Nih A Tuah HD

Japan Ral an Teinak Kum (70)tling Camtuak Cu Taluk Nih A Tuah Japan rak an teinak kum (70) tling camtuak cu Taluk ram,Bejing khuapi ah hlunghlai ngai in ralkap thazaang langhter nak he an tuah. Tiananmen Square ah vawlei cung ral pi pa hnihnak ah a rak teltum mi ralteitu pawl hruainak he ralkap thazaang (12,000) cu raldohnak thilri pawl he thazaang langhternak cu an tuah. Taluk, President Xi Jinping nih biaroling a chim mi ah “Japan nih ralhrang thawnnak an hman mi nih teinak a hmuh caah Taluk hi vawlei cung ah ram thawng pakhat ah kan hun i ser kho mi asi.A sinain Taluk nih teinak le sunparnak hmuh duhnak he a tu kan ngei mi thazaang hi ningcang lo in kan hmanh lai lo” tiin a chim. Japan cozah lei nih cun Taluk President Xi Jinping biachimmi chung ah kaphinh remdaihnak lei hoih in bia a chim mi a um lo caah lungrawk ngai a si tiin an ti.Ralkap thazaang langhternak puai ah cun Russia President Vladimir Putin,UN Secretary Ban Ki Moon he tiin vawlei cung ramkip hruaitu (30) leng an i teltum kho nain Japan Prime Minister le nitlak lei ram hoih i hruaitu pawl cu an kai hna lo._BBC Upatnak he CCN Channel Team FB: Chin Cable Network Channel Mail: chincablechannel@gmail.com Web: ccnchannel.net