Хабар. Ғалабаи навбатии тими мунтахаби Тоҷикистон дар мусобиқаи Interсontinental Cup (11.07.2019)

10-уми июл дар шаҳри Аҳмадободи кишвари Ҳиндустон бозии даври дуюми мусобиқаи байналмилалии «Hero Interсontinental Cup 2019» байни мунтахабҳои Тоҷикистон ва Сурия баргузор шуда, бо ҳисоби 2:0 бар нафъи мунтахаби кишвар хотима ёфт. Дар ин майдондорӣ голҳои тими миллиро Комрон Турсунов ва Илҳом Баротов ба самар расонида, пирӯзии мунтахаби Тоҷикистонро таъмин намуданд. Ҳамин тавр яккачини кишвар бозии дуюми мусобиқаи байналмилалии «Hero Interсontinental Cup 2019»-ро низ бо пирӯзӣ анҷом дод. Ёдовар мешавем, ки дар даври якум шогирдони Усмон Тошев мизбони ин мусобиқа, тими миллии Ҳиндустонро бо ҳисоби калони 4:2 шикаст дода буданд. Акнун дар даври сеюм мунтахаби кишвар санаи 15-уми июл бо дастаи Кореяи Шимолӣ вориди майдони рақобат мешавад. Иштирок дар мусобиқаи «Hero Interсontinental Cup 2019» барои мунтахаби Тоҷикистон як марҳилаи омодагӣ ба даври дуюми интихобии Чемпионати ҷаҳон-2022 ба шумор меравад. Мусобиқаи байналмилалии «Hero Interсontinental Cup 2019» Даври 2-юм ТОҶИКИСТОН – Сурия – 2:0 Голҳо: Комрон Турсунов, 46 (1:0). Илҳом Баротов, 67 (2:0). Tajikistan - Syria Highlights Intercontinental Cup 2019 / Точикистон - Сурия / طاجيكستان - سوريا / Таджикистан - Сирия