Хурдан морины уралдаанаар хүүхэд унав

Хурдан морины уралдаанаар хүүхэд унав "Морины хүүхэд"-ийг золиос болгосоор байх уу? Төв аймгийн Чандмань суманд энэ сарын 3-ны өдөр азарга, соёо­лон, их нас гэсэн гурван нас­ны морьд уралдсан. Гэтэл урал­­даа­­ны явцад 10-15 насны зургаан хүүхэд бэртэж гэмтжээ. Үүнд, Монголын уламжлалт баяр наадам, хурдан морины урал­­даа­ныг буруутгах гэсэнгүй. Гагц­хүү "Ажил хийвэл дуустал, давс хийвэл уустал" гэгчээр али­ваа баяр наадам, ёслолыг зохион байгуулж буй холбогдох газ­рууд нь хариуцлагатай байхыг хүсэх гэсэн юм. Харин арван настай Д.Ням­­дорж хүү тархины суурь яс, нүд­­­ний ухархай хугаралттай, А.Саруул-Эрдэнэ толгойн гавлын яс цөмөрсөн гэх оношоор мэс за­салд оржээ. Мөн арван гурван настай Д.Бүрэнбаярын тархинд цус хар­вас­наас болж хоол ун­данд мууд­чихаад байгаа хэмээн хүүгийн эх ярьж байв. Б.Цэрмаа: Мөсөн дээр морь нь халтирч унасан гэсэн Хариуц­лага­гүй зохион байгуулалт, хайх­рамжгүй байдлаас болж хичнээн хүүхэд тархиндаа мэс засал хийлгэх вэ. Үүн дээр холбогдох байгууллагууд анхаарлаа хан­дуулах цаг болсон баймаар. Хурдан морины урал­дааныг тойрсон дутагдал үүгээр дуу­сах­гүй. Баячууд байгаа баял­­гаа гайхуулах мэт төрөл бү­рийн машинаа морьтой зэрэг­цүү­­лэн уралдуулах нь энүүхэнд. Жолоо барих явцад хурдан мо­рины барианд хэний, ямар зүс­мийн морь түрүүлэхийг үзэх гэж байс­хийгээд л анхаарлаа сар­­н­иул­на. Энэ чинь мөн л "Дарин дээр давс" гэдэгчлэн бас нэг осол бий болох шалтгаан болохгүй гэж үү. Энэ төмөр хөлгүүдийн урал­даа­­ныг Замын цагдаагийн газар анхааралдаа авч шийдвэл зү­гээр юм шиг. Ард түмэн хур­дан морины уралдааныг үзэж хий­мо­рио сэргээх гэдгээс биш авто хөлөг сонирхох гэж очдоггүй юмсан. Хамгийн том асуудал бол морь хөлөглөж буй хүүхэд. Тэдэнд хуульд заасан стандартын хув­цас, аюулгүй байдал даанч алга. Хэрэв муугаар бодоход хэн нэг­ний амь эрсдэхэд хүрвэл хэн ха­риуцлага хүлээх вэ. Хүүхдийн эрх энд л зөрчигдөж байна. Жил бүрийн Цагаан сар, Үндэс­ний их баяр наадам, их хурд, овоо тахилга, баруун, зүүн төвийн бүс,ойн баяр гээд тоймгүй олон энэ өдрүүдэд морь уралдуулдаг. Мо­ри­­ноос унаж, моринд чирэгдэж гэх мэт яриа олны дунд түгээмэл байдаг. Бүр сүүлдээ "унаж" л бай­даг шүү дээ гээд хайхрахаа ч больж. Гэнэн нялх хүүх­дийг хөөрүүлж байгаад л мор­­­дуул­чих­даг атлаа бэртэж гэм­тэ­хээр хэн ч тоохгүй хаячихдаг уяачид зөндөө бий. Хүн амьтны цу­саар өргөл барьж, залбирал үйлд­­дэг шашин гэж байхаас зон ол­ноороо наадах гэж "золиос" бол­гон үр хүүхдээ хурдны моринд даат­­га­даг эцэг эх манайд л байх юм.