Qo`zi va 144000 kishi - Uch farishtaning xabari - Erning hosilini terish . Xudo yuborgan Vahiy HD

Vahiy 14 - Bob Qo`zi va 144000 kishi 1 - oyat - Men qaradim-u, Sion tog`ida Qo`zi turganini ko`rdim. Qo`zi bilan birga peshanasida Uning va Otasining ismi yozilgan yuz qirq to`rt ming kishi bor edi. 2 - oyat - Osmondan ko`p suvlarning shov-shuviday, gumburlagan momaqaldiroq tovushiday bir tovush yangrar edi. Men eshitgan bu tovush xuddi chang chalayotgan cholg`uchilar chiqaradigan sadoni eslatardi. 3 - oyat - O`sha bir yuz qirq to`rt ming kishi Arshi A´lo oldida, to`rtta jondor va oqsoqollar oldida yangi bir kuy kuylar edilar. Yer yuzidan sotib olingan bu yuz qirq to`rt ming kishidan boshqa hech kim bu kuyni o`rgana olmas edi. 4 - oyat - Bular o`zlarini xotinlar bilan bulg`atmagan ma´sum kishilardir. Bular Qo`zi qayoqqa ketsa, Uning orqasidan ketgan kishilardir. Bular Xudo va Qo`ziga to`ng`ich bo`lgudek, insonlar orasidan sotib olinganlar. 5 - oyat - Ularning tilida yolg`on-makr yo`q, [Xudoning taxti oldida] ular benuqsondir. Uch farishtaning xabari 6 - oyat - Shundan keyin osmon o`rtasidan uchib borayotgan boshqa bir farishtani ko`rdim. Bu farishta yer yuzida yashovchi har bir millat va qabilaga, har qanday til va xalqqa abadiy Mujda keltirayotgan edi. 7 - oyat - U baland ovoz bilan shunday dedi: “Xudodan qo`rqing, Uni ulug`lang! Uning hukm qilish vaqt-soati keldi. Yeru ko`kni, dengizni, buloqlarni Yaratganga sajda qilinglar!” 8 - oyat - Keyin boshqa bir farishta uchib kelib, shunday dedi: “Vayron bo`ldi! Vayron bo`ldi buyuk Bobil shahri! U barcha xalqlarga ichirgan edi O`zining qaynoq fahshu zino sharobidin”. 9 - oyat - So`ngra uchinchi farishta uchib kelib, baland ovozda shunday dedi: ― Kimki hayvonga va uning tasviriga sajda qilib, peshanasi yoki qo`liga tamg`a qabul qilsa, 10 - oyat - u Xudoning qahr kosasida soflab tayyorlangan qaynoq g`azab sharobini ichadi-yu, muqaddas farishtalar va Qo`zi oldida yonayotgan oltingugurt ichida azob chekadi. 11 - oyat - Ular azobining dudi abadulabad burqirab turadi. Hayvon va uning tasviriga sajda qilib, hayvon nomli tamg`ani qabul qilganlar kechayu kunduz tinchlik ko`rmaydilar. 12 - oyat - Bunga Xudo amrini saqlagan va Isoga sodiq qolgan azizlarning sabr-toqati darkor. 13 - oyat - Shunda osmondan menga gapirayotgan bir ovozni eshitdim: ― Buni yozib ol: Bundan keyin Rabbimiz Iso ummati bo`lib dunyodan o`tganlar baxtlidir! ― Ha, ― deydi Ruh, ― ular o`z mehnatlaridan tinchisin, ularning qilgan ishlari o`zlariga hamrohdir. Yerning hosilini terish 14 - oyat - Shundan keyin bir yorug` bulut ko`rdim. Bulut ustida Inson O`g`liga o`xshagan Siymo o`tiribdi; Uning boshida oltin toj va qo`lida o`tkir o`roq. 15 - oyat - Ma´baddan boshqa bir farishta chiqib, bulut ustida O`tirganga baland ovoz bilan shunday dedi: “O`rog`ingni ishga solib o`r, chunki o`rim-yig`im vaqti keldi. Mana,